సింగరేణిలో మెటీరియల్ కొరత వెంటనే తీర్చాలి – ఎఐటియుసి డిమాండ్.
తెలుగు వెలుగు టీవీ - వార్తలు / కొత్తగూడెం : సింగరేణి వ్యాప్తంగా గనులు, ఓపెన్‌కాస్ట్ ప్రాజెక్టులు, వివిధ విభాగాల్లో రక్షణ, ఉత్పత్తికి అవసరమైన మెటీరియల్ కొరతను వెంటనే తీర్చాలని గుర్తింపు కార్మిక సంఘం ఎఐటియుసి డిమాండ్ చేసింది.ఈ మేరకు ఎఐటియుసి ప్రధాన కార్యదర్శి కొరిమి రాజ్‌కుమార్ పిలుపు మేరకు మంగళవారం కార్పొరేట్ ఏరియాలోని సెంట్రల్ వర్క్ షాప్, మెయిన్ వర్క్ షాప్, సివిల్, అన్వేషణ విభాగాల్లో బ్రాంచ్ కార్యదర్శి ఎస్.వి. రమణమూర్తి ఆధ్వర్యంలో సంబంధిత హెచ్‌ఓడీలకు మెమొరాండాలు సమర్పించారు.ఈ సందర్భంగా ఎస్.వి. రమణమూర్తి మాట్లాడుతూ, కార్మికుల భద్రతకు, విధుల నిర్వహణకు అవసరమైన మెటీరియల్ కొరత వల్ల తీవ్ర ఇబ్బందులు ఎదురవుతున్నాయని, అవసరమైన సామగ్రిని వెంటనే అందుబాటులోకి తీసుకురావాలని యాజమాన్యాన్ని డిమాండ్ చేశారు.ఈ కార్యక్రమంలో ఉపాధ్యక్షులు క్రిస్టోపర్, సహాయ కార్యదర్శి రాము, పిట్ కార్యదర్శులు సుధీర్, నరేష్, రమేష్, బండి సదానందం, దావా వెంకటేశ్వర్లు, పుల్లచారి, శ్రీదేవి తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
