గంజాయి సేవించిన ఐదుగురి అరెస్ట్ * : వివరాలు వెల్లడించిన కొత్తగూడెం డీఎస్పీ అబ్దుల్ రెహమాన్
తెలుగు వెలుగు టీవీ - వార్తలు / కొత్తగూడెం : భద్రాద్రి కొత్తగూడెం జిల్లా, ఆగస్టు 12 (తెలుగు వెలుగు): గంజాయి సేవించిన ఐదుగురు యువకులను కొత్తగూడెం వన్టౌన్ పోలీసులు అరెస్టు చేశారు. ఇందుకు సంబంధించిన వివరాలను కొత్తగూడెం డీఎస్పీ షేక్ అబ్దుల్ రెహమాన్ వన్ టౌన్ పోలీస్ స్టేషన్ లో సోమవాతం నిర్వహించిన విలేకరుల సమావేశంలో వెల్లడించారు. కొత్తగూడెం వన్ టౌన్ పోలీస్ స్టేషన్ పరిధిలోని శేషగిరినగర్ వద్ద ద్విచక్ర వాహనంపై నిషేధిత గంజాయిని తరలిస్తున్న మోహనకృష్ణ అనే వ్యక్తిని అరెస్టు చేసి రిమాండ్ కి తలించినట్లు ఆయన తెలిపారు. లక్ష్మీదేవిపల్లి మండలం శేషగిరినగర్ కాలనీకి చెందిన మోహన కృష్ణ చింతూరు నుండి దిగుమతి చేసుకుని కొత్తగూడెంలోని నిర్మానుష్య ప్రాంతాల్లో యువతకు గంజాయి అమ్ముతున్నట్లు విచారణలో తేలిందని ఆయన తెలిపారు.
మోహన కృష్ణ ఇచ్చిన సమాచారం మేరకు వన్ టౌన్ ఇన్స్పెక్టర్ ముప్పారపు కరుణాకర్ దాడులు నిర్వహించి గంజాయి సేవించే ఐదుగురు యువకులను అదుపులోకి తీసుకుని, వారిని మాదకద్రవ్యాల మోతాదు గుర్తింపు పరికరాలతో పరీక్షులు నిర్వహించి అనంతరం కేసులు నమోదు చేసినట్లు వివరించారు. సదరు ఐదుగురిని కొర్టులో హాజరుపరచి రిమాండ్ కి తరలించినట్లు డిఎస్పీ అబ్దుల్ రెహమాన్ వెల్లడించారు. ఈ సమావేశంలో వన్ టౌన్ ఇన్స్పెక్టర్ కరుణాకర్, త్రీ టౌన్ ఇన్స్పెక్టర్ శివప్రసాద్, ఎస్సై విజయ పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
