పరిశుభ్రత లక్ష్యంగా కార్పొరేషన్లో స్పెషల్ డ్రైవ్ : కొత్తగూడెం కార్పొరేషన్ మేయర్ మూడ్ గణేష్
తెలుగు వెలుగు టీవీ - వార్తలు / కొత్తగూడెం : కాల్వల పూడికతీత ముమ్మరంగా చేపడుతున్నాం కాల్వలపై అక్రమ నిర్మాణాలు చేపట్టొద్దు డివిజన్లలో మురుగు సమస్యకు శాశ్వత పరిష్కారం ప్రజారోగ్య పరిరక్షణకు ప్రాధాన్యతనిస్తున్నాం : కొత్తగూడెం కార్పొరేషన్ మేయర్ మూడ్ గణేష్ కార్పొరేషన్ పరిధిలోని అన్ని ప్రాంతాల్లో పారిశుధ్య నిర్వహణను మెరుగుపరిచేందుకు సమగ్ర కార్యాచరణతో ప్రత్యేక పారిశుధ్య డ్రైవ్ ప్రారంభించినట్లు కొత్తగూడెం కార్పొరేషన్ మేయర్ మూడ్ గణేష్ తెలిపారు. కొత్తగూడెం, పాల్వంచ, సుజాతనగర్ పరిధిలోని అన్ని డివిజన్లలో సోమవారం క్షేత్రస్థాయిలో చేపట్టిన స్పెషల్ డ్రైవ్ పనులను ఆయన స్వయంగా పరిశీలించారు. ఈ సందర్భంగా పలు డివిజన్లలో పర్యటించి పనుల పురోగతిని సమీక్షించిన అనంతరం మేయర్ మాట్లాడారు. నగర ప్రజారోగ్యాన్ని కాపాడటంలో శానిటేషన్ విభాగం పనితీరు అత్యంత కీలకమని, బస్తీలు, వీధుల్లో నిల్వ ఉన్న చెత్త చెదారాన్ని వెంటనే తొలగించాలని ఆదేశించారు. ప్రధాన రహదారులతో పాటు అంతర్గత వీధుల్లో పేరుకుపోయిన ముళ్లపొదలను పూర్తిగా తొలగించి రోడ్లను శుభ్రంగా ఉంచాలని సూచించారు. మురుగునీరు నిలవకుండా నిరంతరం కాల్వల్లో పూడికతీత పనులు వేగవంతం చేయాలని ఆదేశించారు. కాల్వలను ఆక్రమించి నిర్మాణాలు చేపట్టొద్దని, కాల్వలను ఆక్రమిస్తే ఉపేక్షించేదిలేదన్నారు. వ్యాధులు ప్రబలకుండా ముందుస్తు జాగ్రత్తగా పారిశుధ్య పనులను యుద్ధప్రాతిపదికన చేపట్టాలని పేర్కొన్నారు. ఈ డ్రైవ్‌లో శాశ్వత సిబ్బందితో పాటు ఔట్‌సోర్సింగ్ సిబ్బంది సమన్వయంతో బాధ్యతాయుతంగా విధులు నిర్వర్తించాలని స్పష్టం చేశారు. ప్రతి డివిజన్ పరిధిలో ప్రజల నుండి వచ్చే పారిశుధ్య సమస్యల ఫిర్యాదులపై నిర్లక్ష్యం వహించకుండా వెంటనే స్పందించాలని అధికారులకు దిశానిర్దేశం చేశారు. వార్డుల వారీగా శానిటేషన్ ఇన్‌స్పెక్టర్లు నిత్యం పర్యవేక్షణ చేపడుతూ నిర్దేశిత లక్ష్యాలను చేరుకోవాలని అయన సూచించారు.
Admin
తెలుగు వెలుగు టీవీ
మరిన్ని వార్తలు
Developed By :
