పట్టణంలో రహదారుల ఆధునీకరణే లక్ష్యం : కొత్తగూడెం శాసనసభసభ్యులు కూనంనేని సాంబశివరావు.
తెలుగు వెలుగు టీవీ - వార్తలు / కొత్తగూడెం : గత పాలకుల నిర్లక్ష్యంతోనే రాకపోకలకు కష్టాలు. పనుల్లో నాణ్యతా ప్రమాణాలు పాటించాలి. నూతన కమ్యూనిటీ హాల్‌ను సద్వినియోగం చేసుకోవాలి. మౌలిక వసతుల కల్పనకు నిరంతర కృషి. కొత్తగూడెం శాసనసభసభ్యులు కూనంనేని సాంబశివరావు. ప్రజలకు ఇబ్బందులు కలగకుండా పట్టణంలో రహదారుల ఆధునీకరణను వేగవంతంగా పూర్తి చేయడమే ప్రధాన ఎజెండాగా లక్ష్యాలు నిర్దేశించుకుని పూర్తి చేస్తున్నామని కొత్తగూడెం శాసనసభసభ్యులు కూనంనేని సాంబశివరావు స్పష్టం చేశారు. పాల్వంచ పట్టణ నడిబొడ్డున ఉన్న ప్రధాన కూడలి అంబేద్కర్ సెంటర్ రోడ్లు పూర్తిగా ధ్వంసమై రాకపోకలు తీవ్ర ఇబ్బందికరంగా మారిన నేపథ్యంలో రూ 25లక్షలతో రోడ్ల అభివృద్ధి పనులకు బుధవారం ఆయన శంకుస్థాపన చేశారు. ఈ సందర్భంగా ఏర్పటైన సభలో కూనంనేని సాంబశివరావు మాట్లాడుతూ గత పాలకులు ప్రజా అవసరాలను, మౌలిక సమస్యలను ఏమాత్రం పట్టించుకోకుండా నిర్లక్ష్యంగా పాలన సాగించడం వల్లే ప్రధాన రహదారులు గుంతలమయమై ఇలాంటి దుస్థితి దాపురించిందని విమర్శించారు. నిత్యం రద్దీగా ఉండే అంబేద్కర్ సెంటర్ మార్గంలో ప్రజలు, వాహనదారులు పడుతున్న అవస్థలను గుర్తించి తక్షణమే రోడ్ల పునర్నిర్మాణానికి శ్రీకారం చుట్టినట్లు వివరించారు. చేపట్టిన రహదారి నిర్మాణ పనుల్లో ఎక్కడా రాజీ పడకుండా పక్కాగా నాణ్యతా ప్రమాణాలు పాటించాలని, అధికారులు ఎప్పటికప్పుడు పర్యవేక్షిస్తూ నిర్ణీత గడువులోగా పనులు పూర్తి చేసి ప్రజలకు అందుబాటులోకి తీసుకురావాలని ఆదేశించారు. అనంతరం నవభారత్ సీఎస్ఆర్ నిధులతో శేఖరం బంజరలో రూ 27లక్షలతో నూతనంగా నిర్మించిన కమ్యూనిటీ హాల్ భవనాన్ని ఎమ్మెల్యే కూనంనేని సాంబశివరావు ప్రారంభించారు. ఈ సందర్భంగా ఆయన మాట్లాడుతూ.. ప్రజల సౌకర్యార్థం నూతనంగా అందుబాటులోకి వచ్చిన కమ్యూనిటీ హాల్‌ను స్థానికులు సద్వినియోగం చేసుకోవాలని కోరారు. ప్రజా అవసరాలకు అనుగుణంగా నియోజకవర్గ పరిధిలో నిరంతరం మౌలిక వసతుల కల్పనకు ప్రాధాన్యతనిస్తామని పేర్కొన్నారు. ఈ కార్యక్రమంలో కార్పొరేషన్ మేయర్ మూడ్ గణేష్ డిప్యూటీ మేయర్ సిరిపురపు లలిత కుమారి, కార్పొరేషన్ కమిషనర్ కె సుజాత, నవభారత అధికారులు శ్రీనివాసరెడ్డి, శ్రీనివాస్, మూర్తి, సీపీఐ జిల్లా కార్యవర్గ సభ్యులు అడుసుమిల్లి సాయిబాబా వీసంశెట్టి పూర్ణచంద్రరావు ఉప్పుశెట్టి రాహుల్, కార్పొరేటర్లు వీసంశెట్టి విశ్వేశ్వరరావు గుర్రం వెంకటేశ్వర్లు, గొర్లె అన్నపూర్ణ, బండి నరసింహ, కాల్వ భాస్కర్, గుణచరిత, బాలు నాయక్, కాంగ్రెస్ నాయకులు మహీపతి రామలింగం, టీడీపీ నాయకులు కనగాల అనంతరములు, సీపీఐ నాయకులు నిమ్మల రాంబాబు, డి సుధాకర్, శనగారపు శ్రీనివాసరావు, గొర్లె నరేష్, నామ పండు, నూనావత్ దినేష్, వాడే లక్ష్మి, వజ్జ రాజేశ్వరి, md యూసుఫ్, సత్యనారాయణ చారి, వివిధ శాఖల అధికారులు తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
