సామ్రాజ్యవాదానికి వ్యతిరేకంగా పోరాడిన విప్లవవీరుడు చేగువేరా - ఘనంగా 59వ వర్ధంతి.ఎఐఎస్ఎఫ్ జిల్లా కార్యదర్శి వరక అజిత్
తెలుగు వెలుగు టీవీ - వార్తలు / కొత్తగూడెం : సామ్రాజ్యవాదానికి వ్యతిరేకంగా పోరాడిన విప్లవవీరుడు చేగువేరా- ఘనంగా 59వ వర్ధంతి - యువత చెడు వ్యసనాలకు దూరంగా ఉండాలి. ఎఐఎస్ఎఫ్ జిల్లా కార్యదర్శి వరక అజిత్ సామ్రాజ్యవాద అణిచివేతకు వ్యతిరేకంగా పోరాడిన ప్రపంచ విప్లవ వీరుడు చేగువేరా అని, ఆయన ఆశయాల నేటికీ సజీవంగా ఉన్నాయని ఏఐఎస్ఎఫ్ జిల్లా కార్యదర్శి వరక అజిత్ అన్నారు. చేగువేరా 59వ వర్ధంతి సందర్భంగా ప్రభుత్వ జూనియర్ కళాశాలలో ఏఐఎస్ఎఫ్ జిల్లా సమితి ఆధ్వర్యంలో ఆయన చిత్రపటానికి పూల మాలలు వేసి నివాళ్లర్పించారు. ఈ సందర్భంగా అజిత్ మాట్లాడుతూ క్యూబా విప్లవంలో కీలకపాత్ర పోషించారని ప్రజల విముక్తి కోసం తన జీవితాన్ని అంకితం చేశారని చెప్పారు. వైద్య విద్యను అభ్యశించిన చేగువేరా ప్రజల కష్టాలను ప్రత్యక్షగా చూసి విప్లవబాట పట్టారని క్యూబా స్వతంత్ర పోరాటంలో కీలక నాయకునిగా ఎదిగారని గుర్తుచేశారు. విప్లవానంతరం క్యూబాలో కీలకబాధ్యలు చేపట్టినప్పటికీ ఇతర దేశాల ప్రజల విముక్తి కోసం పదవులను వదులుకుని పోరాటాన్ని కొనసాగించారన్నారు. బొలీవియాలో విప్లవోద్యమానికి నాయకత్వం వహిస్తున్న క్రమంలో అక్టోబర్ 9న ఆయన అమరుడయ్యారని చెప్పారు. చేగువేరా త్యాగం పోరాటం ప్రపంచవ్యాపితం గా ప్రజా ఉద్యమాలకు స్పూర్తినిస్తున్నాయని అజిత్ అన్నారు. ఆయన ఆశయాలను ఆదర్శంగా తీసుకుని యువత చెడు వ్యసనాలకు దూరంగా ఉంటూ క్రమశిక్షణతో సన్మార్గంలో పయ ణించాలని పిలుపునిచ్చారు. ఈ కార్యక్రమంలో ఏఐఎస్ఎఫ్ జిల్లా సహాయ కార్యదర్శి మాణిక్యాల వినయ్, జిల్లా సమితి సభ్యులు జంజునూరి రాజ్ కమల్, సుభాష్, ప్రకాష్, లక్ష్మణ్, చరణ్, కళ్యాణ్, రాజేష్ తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
