ప్రభుత్వ సంక్షేమ పథకాలు అర్హులైన వృద్ధులకు చేరేలా చర్యలు : స్థానిక సంస్థల అదనపు కలెక్టర్ విద్యాచందన
తెలుగు వెలుగు టీవీ - వార్తలు / కొత్తగూడెం : వృద్ధుల సంక్షేమం, హక్కుల పరిరక్షణకు ప్రతి ఒక్కరూ కృషి చేయాలి. వృద్ధులకు గౌరవం, భద్రత కల్పించడం సమాజ బాధ్యత. ప్రభుత్వ సంక్షేమ పథకాలు అర్హులైన వృద్ధులకు చేరేలా చర్యలు : స్థానిక సంస్థల అదనపు కలెక్టర్ విద్యాచందన. అంతర్జాతీయ వృద్ధుల దినోత్సవాన్ని పురస్కరించుకొని భద్రాద్రి కొత్తగూడెం జిల్లా గ్రామీణాభివృద్ధి సంస్థ (DRDA) ఆధ్వర్యంలో బుధవారం కొత్తగూడెం క్లబ్లో వృద్ధుల దినోత్సవ వేడుకలను నిర్వహించారు. కార్యక్రమానికి అదనపు కలెక్టర్ (స్థానిక సంస్థలు) మరియు DRDO ఎం. విద్యాచందన ముఖ్య అతిథిగా హాజరై వృద్ధులను సన్మానించి శుభాకాంక్షలు తెలిపారు.ఈ సందర్భంగా స్థానిక అదనపు కలెక్టర్ విద్యాచందన మాట్లాడుతూ వృద్ధులు కుటుంబానికి, సమాజానికి అమూల్యమైన సంపద అని అన్నారు. తమ జీవిత అనుభవం, జ్ఞానం, విలువలతో సమాజ నిర్మాణంలో వృద్ధులు విశిష్ట పాత్ర పోషించారని పేర్కొన్నారు. వృద్ధుల పట్ల గౌరవం, ఆప్యాయత, భద్రత కల్పించడం ప్రతి ఒక్కరి సామాజిక బాధ్యత అని తెలిపారు.వృద్ధుల హక్కుల పరిరక్షణ, గౌరవప్రదమైన జీవనం, ఆరోగ్యం, సామాజిక మరియు ఆర్థిక భద్రతకు ప్రాధాన్యత ఇవ్వాలని అన్నారు. ప్రభుత్వం అమలు చేస్తున్న సంక్షేమ పథకాలు అర్హులైన ప్రతి వృద్ధుడికి చేరేలా సంబంధిత శాఖలు సమన్వయంతో పనిచేయాలని సూచించారు. వృద్ధులు తమ హక్కులు, ప్రభుత్వ పథకాలు, అందుబాటులో ఉన్న సేవలపై అవగాహన కలిగి ఉండాలని తెలిపారు.వృద్ధుల సంక్షేమ కార్యక్రమాలను క్షేత్రస్థాయిలో సమర్థవంతంగా అమలు చేసేందుకు SHGలు, వృద్ధుల సంఘాలు, SERP సిబ్బంది, సంబంధిత శాఖల అధికారులు సమన్వయంతో పనిచేయాలని ఆమె సూచించారు. వృద్ధులపై నిర్లక్ష్యం, వివక్ష, వేధింపులు చోటుచేసుకోకుండా కుటుంబ సభ్యులు, సమాజం ప్రత్యేక శ్రద్ధ వహించాలని అన్నారు. అవసరమైన సందర్భాల్లో వృద్ధులకు చట్టపరమైన సహాయం, ఆరోగ్య సేవలు, సామాజిక భద్రత, ఇతర ప్రభుత్వ సేవలు అందేలా అధికారులు చొరవ చూపాలని సూచించారు.కార్యక్రమంలో వృద్ధుల కోసం అందుబాటులో ఉన్న చట్టపరమైన హక్కులు, ప్రభుత్వ సంక్షేమ పథకాలు, సామాజిక భద్రతా కార్యక్రమాలు, వివిధ సేవలపై అవగాహన కల్పించారు. వృద్ధుల సమస్యలను తెలుసుకొని వారికి అవసరమైన సహకారం అందించేందుకు అధికారులు, సంబంధిత సంస్థలు సమన్వయంతో పనిచేస్తామని తెలిపారు. ఈ సందర్భంగా వృద్ధుల SHG సభ్యులను సన్మానించి వారి సేవలను అభినందించారు.ఈ కార్యక్రమంలో DLSA కార్యదర్శి రాజేందర్, జిల్లా పరిషత్ సీఈఓ నాగలక్ష్మి, జిల్లా సంక్షేమ అధికారి స్వర్ణలత లెనినా, జిల్లా విద్యాశాఖ అధికారి శంభు ప్రసాద్, జిల్లా పంచాయతీ అధికారి అనూష, లీడ్ బ్యాంక్ మేనేజర్ రామ్‌రెడ్డి, న్యాయవాది యు. అరుణ్, ప్రభుత్వ వైద్యులు డాక్టర్ దినేష్, అదనపు DRDO నీలేష్, SERP హైదరాబాద్ ప్రతినిధి రంగారావు, PE, ZS అధ్యక్షురాలు సుజాత, NGO ప్రతినిధి జ్యోతి, సఖి కేంద్ర ప్రతినిధులు, DPMలు, APMలు, CCలు, వృద్ధుల SHG సభ్యులు తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
