శేషగిరినగర్ రోడ్డు నిర్మాణంలో అధికారులు నిర్లక్ష్యం వీడాలి
- ప్రమాదాలు జరుగుతున్నా పట్టించుకోరా..? * రోడ్డుపై బైటాయించి గ్రామస్తుల ఆందోళన
తెలుగు వెలుగు టీవీ - వార్తలు / కొత్తగూడెం : భద్రాద్రి కొత్తగూడెం జిల్లా, ఆగస్టు 14 (తెలుగు వెలుగు): కొత్తగూడెం - ఇల్లెందు రోడ్డు నిర్మాణం విషయంలో నిర్లక్ష్యం వహిస్తూ, ప్రమాదాలు జరుగుతున్నా అధికారులు పట్టించుకోవడం లేదంటూ లక్ష్మీదేవిపల్లి మండలం శేషగిరినగర్ వాసులు ఆందోళన చేశారు. శేషగిరినగర్ వద్ద బుధవారం బైపాస్ రోడ్డుపై గ్రామస్తులు బైటాయించి భారీ వాహనాల రవాణాను అడ్డుకున్నారు. చాలా కాలంగా బైపాస్ రోడ్డు మొత్తం కొట్టుకుపోయి పెద్ద ఎత్తున గుంటలు ఏర్పడడంతో నిత్యం ప్రమాదాలు జరుగుతున్నాయని, ఈ విషయం ఆర్ అండ్ బీ, సింగరేణి అధికారులకు తెలిసినా కూడా పట్టించుకోవట్లేదని వారు ఆవేధన వ్యక్తం చేశారు. రోడ్డుపై తారు మొత్తం కొట్టుకుపోయి శేషగిరినగర్ తో పాటు పరిసత ప్రాంతాల మీదకు దుమ్ము లేస్తూ కలుష్యంతో ఇబ్బందులు పడుతున్నామంటూ వాపొయారు. ఈ విషయంలో సంబంధిత అధికారులు పట్టించుకోకుంటే ఆందోళనలు ఉదృతం చేస్తామని హెచ్చరించారు.
Admin
తెలుగు వెలుగు టీవీ
మరిన్ని వార్తలు
Developed By :
