విద్యారంగ పరిరక్షణకు ఐక్య విద్యార్థి ఉద్యమం – AISF. తెలంగాణ రాష్ట్ర నిర్మాణ మహాసభల్లో భద్రాద్రి జిల్లా ప్రతినిధుల పిలుపు.
తెలుగు వెలుగు టీవీ - వార్తలు / కొత్తగూడెం : ప్రభుత్వ విద్యారంగ పరిరక్షణకు, విద్యార్థుల సమస్యల పరిష్కారానికి ఐక్య విద్యార్థి ఉద్యమాన్ని బలోపేతం చేయాలని AISF భద్రాద్రి కొత్తగూడెం జిల్లా కార్యదర్శి వరక అజిత్ పిలుపునిచ్చారు. హన్మకొండలో నిర్వహించిన AISF తెలంగాణ రాష్ట్ర నిర్మాణ మహాసభల్లో జిల్లా ప్రతినిధి బృందం పాల్గొంది.ఈ సందర్భంగా అజిత్ మాట్లాడుతూ ప్రభుత్వ విద్యాసంస్థల్లో మౌలిక వసతుల కొరత, ఉపాధ్యాయులు, లెక్చరర్ల ఖాళీలు, స్కాలర్‌షిప్‌లు, ఫీజు రీయింబర్స్‌మెంట్ బకాయిలు, సంక్షేమ హాస్టళ్ల సమస్యలపై మహాసభల్లో చర్చించినట్లు తెలిపారు. పేద, మధ్యతరగతి విద్యార్థులపై ఆర్థిక భారం పెరగకుండా ప్రభుత్వం నాణ్యమైన విద్యను అందించేందుకు చర్యలు తీసుకోవాలని కోరారు. ప్రభుత్వ పాఠశాలలు, కళాశాలలు, గురుకులాలు, హాస్టళ్లలో మౌలిక వసతులు మెరుగుపరచడంతో పాటు ఖాళీలను భర్తీ చేయాలని, పెండింగ్ స్కాలర్‌షిప్‌లు, ఫీజు రీయింబర్స్‌మెంట్ నిధులను విడుదల చేయాలని డిమాండ్ చేశారు. భద్రాద్రి కొత్తగూడెం జిల్లాలో గ్రామీణ, గిరిజన విద్యార్థుల సమస్యలపై పోరాటాన్ని మరింత విస్తృతం చేస్తామని తెలిపారు.ఈ కార్యక్రమంలో AISF జిల్లా సహాయ కార్యదర్శులు గుండాల సుజన్, మాణిక్యాల వినయ్, శ్యామల, ఉమామహేష్, జిల్లా ఉపాధ్యక్షులు సంజయ్, నాయకులు జుంజునూరి రాజ్‌కమల్ తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
