యువతకు నైపుణ్య శిక్షణతో ఉపాధి అవకాశాలు కల్పించడమే లక్ష్యం : జిల్లా కలెక్టర్ జితేష్ వి. పాటిల్.
తెలుగు వెలుగు టీవీ - వార్తలు / కొత్తగూడెం : జిల్లాలోని యువతీ, యువకులకు నైపుణ్య శిక్షణతో పాటు ఉపాధి అవకాశాలు కల్పించాలనే లక్ష్యంతో జిల్లా యంత్రాంగం ఆధ్వర్యంలో LSC (లాజిస్టిక్స్ స్కిల్ కౌన్సిల్) Redington Foundation (COLTE) సహకారంతో స్కిల్ డెవలప్మెంట్ ట్రైనింగ్ – ప్లేస్మెంట్ సపోర్ట్ కార్యక్రమాన్ని బుధవారం ఐ డి ఓ సి కార్యాలయం సమావేశ మందిరం లో జిల్లా కలెక్టర్ జితేష్ వి. పాటిల్ అధ్యక్షతన నిర్వహించారు. ఈ సందర్భంగా జిల్లా కలెక్టర్ మాట్లాడుతూ, హైదరాబాద్లో లాజిస్టిక్స్ రంగంలో LSC (Logistics Skill Council) మరియు Redington Foundation (COLTE) సంస్థల ద్వారా రీయల్టైమ్ ఫోర్క్లిఫ్ట్ ఆపరేటర్, సప్లై చైన్ అసోసియేట్, ఎగుమతి–దిగుమతి (Export–Import) ఎగ్జిక్యూటివ్ కోర్సులలో పూర్తిగా ఉచితంగా శిక్షణ అందించనున్నట్లు తెలిపారు. ఈ శిక్షణకు ఎంపికైన అభ్యర్థులకు వసతి, భోజన సౌకర్యాలతో పాటు 100 శాతం ప్లేస్మెంట్ సపోర్ట్ కల్పించనున్నట్లు తెలిపారు. శిక్షణ అనంతరం నెలకు సుమారు రూ.13,000 నుండి రూ.18,000 వరకు జీతంతో ఉద్యోగ అవకాశాలు లభిస్తున్నందున, జిల్లాలోని పేద కుటుంబాలకు చెందిన నిరుద్యోగ యువతకు ఇది ఒక గొప్ప అవకాశమని జిల్లా కలెక్టర్ తెలిపారు.జిల్లాలోని వివిధ మండలాల నుంచి ఈ ఓరియంటేషన్ కార్యక్రమానికి మొత్తం 51 మంది యువతీ, యువకులు హాజరయ్యారు. వారికి కౌన్సెలింగ్ మరియు మౌఖిక పరీక్షలు నిర్వహించగా, శిక్షణ విధానం, ఉద్యోగ స్వరూపం (జాబ్ ప్రొఫైల్) వివరాలను LSC సెంటర్ హెడ్ మధురాణి గారు మరియు మేనేజర్ మౌనిక గారు వివరించారు. ఎంపిక ప్రక్రియలో భాగంగా 6 మంది రీయల్టైమ్ ఫోర్క్లిఫ్ట్ ఆపరేటర్, 13 మంది సప్లై చైన్ అసోసియేట్, 10 మంది ఎగుమతి–దిగుమతి ఎగ్జిక్యూటివ్ కోర్సులకు ఎంపికయ్యారు.ఈ కార్యక్రమంలో డి.ఆర్.డి.ఓ విద్యా చందన, ఏపిఎం వెంకయ్య, EDM సైదేశ్, సి.హెచ్. నాగ నంద్ (బీసీ కార్పొరేషన్) తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
