మంగళవారం మూడు నెలల ఫర్నిచర్ తయారీపై ప్రత్యేక శిక్షణ కార్యక్రమం: జిల్లా కలెక్టర్ జితిష్ వి పటేల్
తెలుగు వెలుగు టీవీ - వార్తలు / కొత్తగూడెం : మంగళవారం మూడు నెలల ఫర్నిచర్ తయారీపై ప్రత్యేక శిక్షణ కార్యక్రమం: జిల్లా కలెక్టర్ జితిష్ వి పటేల్ నేషనల్ స్కిల్స్ ట్రైనింగ్ ఇన్స్టిట్యూట్ (NSTI), అంబర్‌పేట్, హైదరాబాద్‌లో ఇచ్చే ఈ శిక్షణకు, కనీసం పదో తరగతి ఉత్తీర్ణత, వయస్సు 30 సంవత్సరాల లోపు ఉండాలి. కార్పెంటర్ పనిలో కొంత అనుభవం మరియు ఆసక్తి ఉన్న పురుషులు జూలై 29వ తేదీ అనగా రేపు ఉదయం 11 గంటలకు కలెక్టరేట్లో NSTI ప్రతినిదుల నుండి కోర్సు సంబంధిత పూర్తి వివరాలు తెలుసుకోవచ్చని జిల్లా కలెక్టర్ జితేష్ వి. పాటిల్ తెలిపారు. అదేవిధంగా ప్రీ-స్క్రీనింగ్ నిర్వహించబడుతుందని, మన జిల్లాకు చెందిన 10 మందితో మొదటి బ్యాచ్‌ను ఎంపిక చేస్తామని ఆయన పేర్కొన్నారు. హైదరాబాద్‌లో మూడు నెలల పాటు స్వంత ఖర్చుతో ఉంటూ శిక్షణ పూర్తి చేయడానికి సిద్ధంగా ఉన్న అభ్యర్థులు మాత్రమే ఈ కార్యక్రమానికి హాజరుకావాలని కలెక్టర్ గారు కోరారు. రూ. 5000 రిజిస్ట్రేషన్ ఫీజు జిల్లా యంత్రాంగం తరఫున చెల్లించబడుతుందని జిల్లా కలెక్టర్ తెలిపారు.
Admin
తెలుగు వెలుగు టీవీ
మరిన్ని వార్తలు
Developed By :
