ఏఐటీయూసీ రాష్ట్ర కార్యదర్శిగా నరాటి ఎన్నిక. కార్యవర్గ సభ్యులుగా జమలయ్య, నగేష్ ఏకగ్రీవం.
తెలుగు వెలుగు టీవీ - వార్తలు / కొత్తగూడెం : ఏఐటీయూసీ రాష్ట్ర కార్యదర్శిగా నరాటి ఎన్నిక.కార్యవర్గ సభ్యులుగా జమలయ్య, నగేష్ ఏకగ్రీవం.మరో 13మందికి రాష్ట్ర సమితిలో జిల్లా నుంచి చోటు. కార్మికవర్గ పోరాటాలను ఉధృతం చేస్తాం : నరాటి ప్రసాద్ .కార్మిక వర్గ హక్కుల పరిరక్షణ, సంక్షేమం కోసం రాబోయే రోజుల్లో రాజీలేని పోరాటాలు నిర్మిస్తామని ఏఐటీయూసీ జిల్లా కౌన్సిల్ స్పష్టం చేసింది. కరీంనగర్‌లో ఈ నెల 6, 7, 8 తేదీల్లో విజయవంతంగా ముగిసిన ఏఐటీయూసీ తెలంగాణ రాష్ట్ర 4వ మహాసభల్లో నూతన రాష్ట్ర కార్యవర్గాన్ని ఎన్నుకున్నారు. ఈ కమిటీలో భద్రాద్రి కొత్తగూడెం జిల్లా నుంచి ఏకంగా 16 మంది కార్మిక నాయకులకు రాష్ట్రస్థాయిలో ప్రాతినిధ్యం దక్కింది. రాష్ట్ర కార్యదర్శిగా నరాటి ప్రసాద్, కార్యవర్గ సభ్యులుగా కంచెర్ల జమలయ్య, జి. నాగేష్, రాష్ట్ర సమితి సభ్యులుగా కె. సారయ్య, రాము, జి. వీరాస్వామి, వంగా వెంకట్, వేల్పుల మల్లికార్జున్, దేవరకొండ శంకర్, అన్నారపు వెంకటేశ్వర్లు, గోనే మణి, ఎం.డి. నజీర్ అహ్మద్, భూక్యా శ్రీనివాస్, జక్కుల రాములు, కోరే కృష్ణ, మండల రాజేశ్వరరావు ఎన్నికయ్యారు. జిల్లా నుంచి భారీ సంఖ్యలో ప్రతినిధులకు కీలక స్థానాలు లభించడం పట్ల జిల్లా నాయకత్వం హర్షం వ్యక్తం చేస్తూ వారికి అభినందనలు తెలిపింది. ఈ సందర్బంగా బుధవారం రాష్ట్ర కార్యదర్శి ప్రసాద్ మాట్లాడుతూ కార్మికుల ఉద్యోగ, సామాజిక భద్రతపై పాలకులు చేస్తున్న దాడిని తిప్పికొడుతూ కార్మిక లోకాన్ని ఏకం చేసి ఉద్యమిస్తామని, జిల్లా నాయకులకు సముచిత స్థానం దక్కేలా తోడ్పాటునందించిన సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు, ఏఐటీయూసీ జిల్లా గౌరవ అధ్యక్షులు ఎస్.కె. సాబీర్ పాషాలకు కౌన్సిల్ పక్షాన ప్రత్యేక ధన్యవాదాలు తెలుపుతున్నామన్నారు.
Admin
తెలుగు వెలుగు టీవీ
మరిన్ని వార్తలు
Developed By :
