దళిత మహిళపై దాడి చేసిన ఇన్స్ స్పెక్టర్ ను తక్షణమే సర్వీస్ నుండి తొలగించాలి : బీఎస్పీ రాష్ట్ర ప్రధాన కార్యదర్శి యెర్రా కామేష్
తెలుగు వెలుగు టీవీ - వార్తలు / కొత్తగూడెం : షాద్ నగర్ పోలీస్ స్టేషన్ లో దొంగతనం నెపంతో దళిత మహిళపై అమానుషంగా దాడి చేసిన డిటెక్టివ్ ఇన్స్ స్పెక్టర్ రామిరెడ్డిని వెంటనే సర్వీస్ నుండి తొలగించాలని బహుజన్ సమాజ్ పార్టీ రాష్ట్ర ప్రధాన కార్యదర్శి అడ్వకేట్ యెర్రా కామేష్ ప్రభుత్వాన్ని డిమాండ్ చేశారు.గురువారం పార్టీ శ్రేణులతో పోస్ట్ ఆఫీస్ అంబేద్కర్ సెంటర్ వద్ద అంబేద్కర్ విగ్రహం ఎదుట ప్లకార్డులతో నిరసన తెలిపారు.ఈసందర్భంగా కామేష్ మాట్లాడుతూ షాద్ నగర్ లో కూలీ పనులు చేసుకుంటూ జీవనం సాగిస్తున్న సునీత అనే దళిత మహిళపై దొంగతనం నెపంతో కాలు విరిగి ఉన్నా థర్డ్ డిగ్రీ ప్రయోగించి చిత్రహింసలకు గురిచేయడమే కాకుండా ఆమె భర్తను,మైనర్ కుమారుడిని తీవ్రంగా పోలీస్ స్టేషన్ లో కొట్టిన ఘటనకు రేవంత్ రెడ్డి
ప్రభుత్వం నైతిక భాధ్యత వహించాలని,దాడులు చేసిన అధికారులను కేవలం సస్పెండ్ చేసి,అటాచ్ చేస్తే బాధిత మహిళకు న్యాయం చేసినట్టు కాదని బాధితురాలు ఎస్సీ కాబట్టి అతని పై ఎస్సీ,ఎస్టీ అట్రాసిటీ చేసి,హత్యాయత్నం కేసు నమోదు చేసి వెంటనే అరెస్ట్ చేయాలని కోరారు.బాధిత మహిళకు ప్రభుత్వం రూ.25 లక్షల నష్ట పరిహారం చెల్లించాలని పేర్కొన్నారు.పోలీస్ అధికారి బాధిత మహిళను హింసిస్తే మరో పోలీస్ అధికారి ఎంక్వైరీ చేయడం వలన పారదర్శకత లోపిస్తుంది కావున నిష్పక్షపాతంగా విచారణ జరిగి బాధిత మహిళకు న్యాయం జరగాలంటే హైకోర్టు సిట్టింగ్ జడ్జితో విచారణ జరిపించాలి డిమాండ్ చేశారు. ఈకార్యక్రమంలో జిల్లా అధ్యక్షుడు గంధం మల్లికార్జున రావు,జిల్లా ప్రధాన కార్యదర్శి మాలోత్ వీరు నాయక్,కందుల విష్ణు,భూక్యా లీలా,కవిత,మౌనిక తదితరులు పాల్గొన్నారు
Admin
తెలుగు వెలుగు టీవీ
మరిన్ని వార్తలు
Developed By :
