వైద్యాధికారులు ఆసుపత్రి సమయపాలన, మందుల లభ్యత, వైద్య శిబిరాలపై ప్రత్యేక దృష్టి సారించాలి : DMHO డా. తుకారామ్ రాథోడ్
తెలుగు వెలుగు టీవీ - వార్తలు / కొత్తగూడెం : ప్రజలకు నాణ్యమైన వైద్య సేవలు అందించడమే లక్ష్యం భద్రాద్రి కొత్తగూడెం జిల్లాలో ప్రజలకు నిరంతరాయంగా నాణ్యమైన వైద్య సేవలు అందించేందుకు వైద్యాధికారులు, సిబ్బంది సమన్వయంతో పనిచేయాలని జిల్లా వైద్య మరియు ఆరోగ్య అధికారి డా. తుకారామ్ రాథోడ్ సూచించారు. శుక్రవారం జిల్లాలోని అన్ని వైద్యాధికారులతో సమీక్ష సమావేశం నిర్వహించి వివిధ ఆరోగ్య కార్యక్రమాల అమలు, ఆసుపత్రుల పనితీరు, మాతా-శిశు ఆరోగ్యం, అసంక్రమిత వ్యాధుల నియంత్రణ తదితర అంశాలపై సమగ్రంగా సమీక్షించారు. ఆసుపత్రుల్లో సమయపాలన తప్పనిసరి ఆసుపత్రుల్లో వైద్యులు, సిబ్బంది తప్పనిసరిగా ఉదయం 9 గంటల నుంచి సాయంత్రం 4 గంటల వరకు విధుల్లో ఉండాలని DMHO స్పష్టం చేశారు. ప్రభుత్వ సెలవు రోజుల్లో కూడా ప్రజలకు అత్యవసర వైద్య సేవలు అందేలా సగం రోజు ఆసుపత్రులను నిర్వహించాలని, ఇందుకోసం సిబ్బందికి విధులు కేటాయించాలని ఆదేశించారు. అలాగే గ్రామీణ ప్రాంతాల్లో ప్రజలకు ఆరోగ్య సేవలు మరింత చేరువయ్యేలా ఆరోగ్య అవగాహన కార్యక్రమాలు, వైద్య శిబిరాలను సంబంధిత గ్రామాలు, గిరిజన గూడేలు, ఆవాసాల్లో క్రమం తప్పకుండా నిర్వహించాలని సూచించారు. NCD స్క్రీనింగ్పై ప్రత్యేక దృష్టి డా. దినేష్, PO-NCD అసంక్రమిత వ్యాధుల కార్యక్రమంపై సమీక్ష నిర్వహించారు. జిల్లాలో నిర్దేశించిన లక్ష్యాల మేరకు NCD స్క్రీనింగ్ను పూర్తి చేయాలని సూచించారు. ముఖ్యంగా రక్తపోటు, మధుమేహం ఉన్న రోగులను గుర్తించి, వారికి ప్రతి నెలా క్రమం తప్పకుండా ఫాలోఅప్, ఆరోగ్య పరీక్షలు నిర్వహించాలని తెలిపారు. గుర్తించిన రోగులకు అవసరమైన చికిత్స, మందులు మరియు తదుపరి వైద్య సేవలు నిరంతరంగా అందేలా చర్యలు తీసుకోవాలని సూచించారు. గర్భిణీల ఆరోగ్యంపై ప్రత్యేక శ్రద్ధ
ఈ సందర్భంగా DMHO సమతుల్య మరియు పోషకాహారం ప్రాధాన్యతను వివరించారు. ముఖ్యంగా గర్భిణీలు, బాలింతలు పోషక విలువలు కలిగిన ఆహారాన్ని తీసుకోవడం ద్వారా తల్లి మరియు శిశువు ఆరోగ్యాన్ని మెరుగుపరుచుకోవచ్చని తెలిపారు. గర్భధారణ సమయంలో తగిన పోషకాహారం తీసుకోవడం ద్వారా రక్తహీనతను నివారించడంతో పాటు తల్లి, శిశువు ఆరోగ్యాన్ని కాపాడుకోవచ్చని వివరించారు. ఆరోగ్య సిబ్బంది కూడా గ్రామస్థాయిలో ప్రజలకు పోషకాహారం, సమతుల్య ఆహారం మరియు ఆరోగ్యకరమైన జీవన విధానంపై అవగాహన కల్పించాలని సూచించారు. ఈ సమీక్ష సమావేశంలో డా. రాకేష్, PO-MHN, డా. బి. రాందాస్, PO-CEA, డా. దినేష్, PO-NCD తదితరులు పాల్గొన్నారు. జిల్లాలో ప్రజలకు మెరుగైన వైద్య సేవలు అందించేందుకు ప్రతి వైద్యాధికారి, ఆరోగ్య సిబ్బంది బాధ్యతాయుతంగా పనిచేసి, ప్రభుత్వ ఆరోగ్య కార్యక్రమాలను సమర్థవంతంగా అమలు చేయాలని DMHO డా. తుకారామ్ రాథోడ్ సూచించారు.
Admin
తెలుగు వెలుగు టీవీ
మరిన్ని వార్తలు
Developed By :
