గురుకుల విద్యాసంస్థలలో పార్టమ్ అధ్యాపకుల నియామకానికి దరఖాస్తుల ఆహ్వానం.
తెలుగు వెలుగు టీవీ - వార్తలు / కొత్తగూడెం : తెలంగాణ సాంఘిక సంక్షేమ గురుకుల పాఠశాలలు మరియు కళాశాలల సొసైటీ (TGSWREIS), భద్రాద్రి కొత్తగూడెం జిల్లా పరిధిలోని 8 గురుకుల పాఠశాలలు/కళాశాలలు మరియు ఒక గురుకుల డిగ్రీ కళాశాలలో ఖాళీగా ఉన్న 34 పార్టెమ్ అధ్యాపక పోస్టులను భర్తీ చేయనున్నట్లు జిల్లా కలెక్టర్ మరియు జిల్లా మేజిస్ట్రేట్ ఒక ప్రకటనలో తెలిపారు. ఖాళీల వివరాలు ఈ విధంగా ఉన్నాయని పేర్కొన్నారు.డిగ్రీ లెక్చరర్లు (DL) - 05 పోస్టులు.జూనియర్ లెక్చరర్లు (JL) - 13 పోస్టులు.పోస్ట్ గ్రాడ్యుయేట్ టీచర్లు (PGT) -03 పోస్టులు ట్రెయిన్డ్ గ్రాడ్యుయేట్ టీచర్లు (TGT) 05 పోస్టులు.లైబ్రేరియన్లు (Librarian) 02 పోస్టులు. హెల్త్ సూపర్వైజర్ (HS) – 01 పోస్టు. ఆర్ట్ / క్రాఫ్ట్ / మ్యూజిక్ టీచర్లు 05 పోస్టులు.ఈ పోస్టులకు భద్రాద్రి కొత్తగూడెం జిల్లాకు చెందిన అర్హులైన అభ్యర్థుల నుండి దరఖాస్తులు ఆహ్వానిస్తున్నట్లు తెలిపారు.విద్యార్హతలు:సైన్స్ సబ్జెక్టులకు: సంబంధిత సబ్జెక్టులో ఎం.ఎస్సి., బి.ఎడ్. లాంగ్వేజ్ సబ్జెక్టులకు: సంబంధిత సబ్జెక్టులో ఎం.ఏ., బి.ఎడ్. ఆర్ట్ & క్రాఫ్ట్, మ్యూజిక్ మరియు ఇతర స్పెషల్ టీచర్ పోస్టులకు: సంబంధిత సబ్జెక్టులో పీజీ లేదా నిబంధనల ప్రకారం నిర్దేశించిన విద్యార్హతలు కలిగి ఉండాలి.అర్హులైన అభ్యర్థులు తమ దరఖాస్తులను సంబంధిత విద్యార్హతల ధ్రువపత్రాల ప్రతులతో కలిసి 07-07-2026 తేదీ సాయంత్రం 3.00 గంటలలోపు క్రింది చిరునామాలో సమర్పించవచ్చని తెలిపారు.దరఖాస్తు చేసిన అభ్యర్థులకు 08-07-2026 తేదీ ఉదయం 10.00 గంటల నుండి టి.జి.ఎస్.డబ్ల్యూ. ఆర్. ఎస్./జూనియర్ కళాశాల (బాలుర), సెంటర్ ఆఫ్ ఎక్సలెన్స్ (COE), పాల్వంచలో ఎంపిక కమిటీ సమక్షంలో టీచింగ్ డెమోలు నిర్వహించబడతాయని తెలిపారు. డెమోలకు హాజరయ్యే అభ్యర్థులు తమ ఒరిజినల్ విద్యార్హత ధ్రువపత్రాలు, ఒక సెట్ జిరాక్స్ ప్రతులు మరియు గుర్తింపు కార్డుతో తప్పనిసరిగా హాజరు కావాలని సూచించారు. డెమోలో అభ్యర్థుల బోధనా నైపుణ్యం, సబ్జెక్టుపై అవగాహన, కమ్యూనికేషన్ స్కిల్స్ మరియు ప్రతిభ ఆధారంగా ఎంపిక కమిటీ తుది ఎంపిక చేపట్టి పార్ట్టైమ్ అధ్యాపకులుగా నియమించడం జరుగుతుందని తెలిపారు.
Admin
తెలుగు వెలుగు టీవీ
మరిన్ని వార్తలు
Developed By :
