మహిళా సమైక్య ఆధ్వర్యంలో ఘనంగా బతుకమ్మ వేడుకలు. తెలంగాణ మహిళా సమాఖ్య జిల్లా ప్రధాన కార్యదర్శి మున్నా లక్ష్మీకుమారి.

Date : 15 October 2026 09:03 PM Views : 124

తెలుగు వెలుగు టీవీ - వార్తలు / కొత్తగూడెం : మహిళా హక్కుల రక్షణకు ఉద్యమిద్దాం.మహిళా చట్టాలను పకడ్బందీగా అమలు చేయాలి. వేధింపులు లేని సమాజం కోసం పోరాడుదాం. తెలంగాణ మహిళా సమాఖ్య జిల్లా ప్రధాన కార్యదర్శి మున్నా లక్ష్మీకుమారి.మహిళా సమైక్య ఆధ్వర్యంలో ఘనంగా బతుకమ్మ వేడుకలు.సమాజంలో మహిళా హక్కుల రక్షణకు, సమస్యల పరిష్కారానికి రాజీలేని ఉద్యమాలు నిర్మించాల్సిన అవసరం ఉందని తెలంగాణ మహిళా సమాఖ్య జిల్లా ప్రధాన కార్యదర్శి మున్నా లక్ష్మీకుమారి పిలుపునిచ్చారు. తెలంగాణ మహిళా సమాఖ్య ఆధ్వర్యంలో గురువారం కొత్తగూడెంలోని సిపిఐ జిల్లా కార్యాలయం శేషగిరి భవన్ ప్రాంగణంలో బతుకమ్మ సంబరాలు అత్యంత ఘనంగా, ఉత్సాహభరిత వాతావరణంలో జరిగాయి. ఈ సందర్భంగా జిల్లా నలుమూలల నుంచి తరలివచ్చిన సమాఖ్య నాయకులు, కార్యకర్తలు సాంప్రదాయ రీతిలో బతుకమ్మలను పేర్చి ఆడిపాడారు. అనంతరం ఏర్పాటు చేసిన సమావేశంలో మున్నా లక్ష్మీకుమారి మాట్లాడుతూ.. నేటి ఆధునిక కాలంలోనూ మహిళలపై హింస, వివక్ష, దాడులు కొనసాగడం శోచనీయమన్నారు. మహిళా సంక్షేమానికి సంబంధించి కాగితాలకే పరిమితమైన చట్టాలను క్షేత్రస్థాయిలో పకడ్బందీగా అమలు చేయాలని ప్రభుత్వాన్ని డిమాండ్ చేశారు. చట్టసభల్లో మహిళలకు రావాల్సిన 33 శాతం రిజర్వేషన్లను అమలు చేయడంలో పాలకులు తాత్సారం చేయడం తగదన్నారు. మహిళలు ఎదుర్కొంటున్న సామాజిక, ఆర్థిక ఇబ్బందులపై సమష్టిగా పోరాడి తమ హక్కులను సాధించుకోవాలని ఆమె స్పష్టం చేశారు. ఈ కార్యక్రమంలో మహిళా సమాఖ్య జిల్లా నాయకురాళ్లు పద్మజ, ధనలక్ష్మి, మునిగడప పద్మ, మేదిని లక్ష్మీ, పైడిపల్లి లక్ష్మి, కైసర్, షాహిన్, వెంకటలక్ష్మి, ధార లక్ష్మీ తదితరులు పాల్గొన్నారు.

లోకల్ యాడ్స్

మరిన్ని వార్తలు