ప్రజావాణి దరఖాస్తులను గడువులోగా పరిష్కరించాలి: కలెక్టర్ అంకిత్
తెలుగు వెలుగు టీవీ - వార్తలు / కొత్తగూడెం : భద్రాద్రి కొత్తగూడెం జిల్లా కలెక్టరేట్లో సోమవారం నిర్వహించిన ప్రజావాణి కార్యక్రమంలో కలెక్టర్ అంకిత్ ప్రజల నుంచి అర్జీలను స్వీకరించారు. ప్రజలు ఆఫీసుల చుట్టూ తిరగకుండా అధికారులు బాధ్యతాయుతంగా వ్యవహరించాలని, పెండింగ్ సమస్యలపై క్షేత్రస్థాయి విచారణ జరిపి నిర్ణీత గడువులోగా పరిష్కరించాలని ఆదేశించారు. పరిష్కార వివరాలను పోర్టల్‌లో నమోదు చేసి దరఖాస్తుదారులకు సమాచారం అందించాలన్నారు. ఈ కార్యక్రమంలో అదనపు కలెక్టర్లు డి. వేణుగోపాల్, విద్యా చందన పాల్గొన్నారు. ప్రజావాణి ముఖ్య దరఖాస్తులు - చర్యలు:రేషన్ కార్డు పునరుద్ధరణ: పాల్వంచకు చెందిన వై. నాగలక్ష్మి, అశ్వారావుపేటకు చెందిన బత్తుల జానకమ్మల రేషన్ కార్డుల దరఖాస్తులను కలెక్టర్ డీసీఎస్ఓ (DCSO)కు బదిలీ చేశారు.ఇంటి స్థలం మంజూరు: లక్ష్మీదేవిపల్లి మండలానికి చెందిన నిరుపేదరాలు మేక రజని సమర్పించిన ఇంటి స్థలం అర్జీని తహసీల్దార్‌కు పంపారు.డబుల్ బెడ్రూమ్ ఇల్లు: కొత్తగూడెంకు చెందిన పోలియో బాధితురాలు మహమ్మద్ జరీనా బేగానికి గతంలో కేటాయించి రద్దయిన డబుల్ బెడ్రూమ్ ఇంటి దరఖాస్తును పీడీ హౌసింగ్‌కు ఎండార్స్ చేశారు.
Admin
తెలుగు వెలుగు టీవీ
మరిన్ని వార్తలు
Developed By :
