సింగరేణి ప్రధాన ఆసుపత్రిని తనిఖీ చేసిన డీఎంహెచ్‌ఓ డాక్టర్ తుకారాం రాథోడ్.
తెలుగు వెలుగు టీవీ - వార్తలు / కొత్తగూడెం : సింగరేణి ప్రధాన ఆసుపత్రిని తనిఖీ చేసిన డీఎంహెచ్‌ఓ డాక్టర్ తుకారాం రాథోడ్.సింగరేణి ప్రధాన ఆసుపత్రిని జిల్లా వైద్య ఆరోగ్య శాఖ అధికారి డాక్టర్ తుకారాం రాథోడ్ తనిఖీ చేశారు. ఆసుపత్రిలోని వివిధ విభాగాలను కలియతిరిగి పరిశీలించిన ఆయన, రోగులకు అందుతున్న వైద్య సేవలు, సౌకర్యాలు, వైద్య సిబ్బంది పనితీరు తదితర అంశాలపై ఆరా తీశారు.ఈ సందర్భంగా పిల్లల వార్డు, ప్రసూతి వార్డు, సర్జికల్ వార్డు, ఐసీయూ, పురుషుల వార్డు, ఆపరేషన్ థియేటర్, ఎక్స్‌రే విభాగం, ఇమ్యునైజేషన్ విభాగం తదితర విభాగాలను సందర్శించి అక్కడ అందుతున్న సేవలను పరిశీలించారు.వివిధ వార్డుల్లో చికిత్స పొందుతున్న రోగులను పరామర్శించి, వారికి అందుతున్న వైద్య సేవల గురించి అడిగి తెలుసుకున్నారు. ఆసుపత్రిలో వైద్య సేవల నాణ్యత, పారిశుధ్యం, రోగులకు అందుబాటులో ఉన్న మౌలిక సదుపాయాలపై సంబంధిత అధికారులతో చర్చించారు. ప్రజలకు మెరుగైన వైద్య సేవలు అందేలా వైద్యులు, సిబ్బంది సమన్వయంతో పనిచేయాలని డీఎంహెచ్‌ఓ సూచించారు. ముఖ్యంగా అత్యవసర వైద్య సేవలు, ప్రసూతి మరియు శిశు వైద్యం, శస్త్రచికిత్సలు తదితర సేవల్లో నాణ్యతా ప్రమాణాలను పాటించాలని సూచించారు.ఈ తనిఖీలో సింగరేణి చీఫ్ మెడికల్ ఆఫీసర్ డాక్టర్ కిరణ్ రాజ్ కుమార్ , Dr ప్రతాప్ ప్రోగ్రాం ఆఫీసర్, నాగభూషణం, రాంప్రసాద్, సింగరేణి హాస్పిటల్ వైద్యులు, సిబ్బంది పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
