ఇండ్లు లేని పేదల పక్షాన సమిష్టిగా పోరాడుదాం.సిపిఐ జిల్లా కార్యదర్శి ఎస్ కె సాబీర్ పాషా, సిపిఎం జిల్లా కార్యదర్శి మచ్చ వెంకటేశ్వర్లు.
తెలుగు వెలుగు టీవీ - వార్తలు / కొత్తగూడెం : పేదల ఇండ్ల కూల్చివేత చర్యలను ప్రభుత్వం మానుకోవాలి.బాధితుల హక్కుల సాధన కోసం జులై 1న కలెక్టరేట్ ఎదుట ధర్నా.పేదల ఇండ్ల సమస్యలపై అలుపెరుగని పోరాటాలు నిర్వహిస్తాం.ధర్నా జయప్రదానికి ఉమ్మడిగా కదిలిరావాలి.ఇండ్లు లేని పేదల పక్షాన సమిష్టిగా పోరాడుదామని సిపిఐ జిల్లా కార్యదర్శి ఎస్ కె సాబీర్ పాషా, సిపిఎం జిల్లా కార్యదర్శి మచ్చ వెంకటేశ్వర్లు పిలుపునిచ్చారు. శనివారం స్థానిక సిపిఐ జిల్లా కార్యాలయం 'శేషగిరిభవన్'లో సిపిఐ, సిపిఎం ముఖ్య నాయకులతో రౌండ్ టేబుల్ సమావేశం జరిగింది. ఇండ్లు లేని పేదలకు ఇండ్ల స్థలాలు ఇవ్వాలని, పేదలు నిర్మించుకున్న ఇండ్లకు ఇంటి నెంబర్లు, విద్యుత్ సౌకర్యం కల్పించాలని, అదేవిధంగా పేదల ఇండ్ల కూల్చివేతలు ఆపాలని డిమాండ్ చేస్తూ జులై 1న జిల్లా కలెక్టర్ కార్యాలయం ఎదుట నిర్వహించ తలపెట్టిన ధర్నా కార్యక్రమ విజయవంతం కోసం ఈ సమావేశాన్ని ఏర్పాటు చేశారు. ఈ సందర్భంగా వారు మాట్లాడుతూ రాష్ట్రంలో నిరుపేదలు ఇండ్లు లేక తీవ్ర ఇబ్బందులు పడుతున్నారని ఆవేదన వ్యక్తం చేశారు. నిరుపేదలు ఎంతో కష్టపడి నిర్మించుకున్న నివాసాలకు కనీస వసతులైన ఇంటి నెంబర్లు, కరెంట్ కనెక్షన్లు ఇవ్వకుండా ఇబ్బందులకు గురిచేయడం సరికాదన్నారు. ప్రభుత్వం పేదల ఇండ్లను కూల్చే దుర్మార్గపు చర్యలను తక్షణమే మానుకోవాలని, వారికి పూర్తి భద్రత కల్పించాలని డిమాండ్ చేశారు. బాధితుల హక్కుల సాధన కోసం జులై 1న జరగబోయే కలెక్టరేట్ ధర్నాను విజయవంతం చేయడానికి ఇండ్ల బాధితులను పెద్ద ఎత్తున తరలించాలని కోరారు. పేదల ఇండ్ల సమస్యలపై రాబోయే రోజుల్లో అలుపెరుగని పోరాటాలు నిర్వహిస్తామని హెచ్చరించారు. ఈ మేరకు గ్రామాలు, పట్టణాల్లో విస్తృత ప్రచార కార్యక్రమాలు నిర్వహించి ధర్నా జయప్రదానికి ఉమ్మడిగా కదిలిరావాలని పిలుపునిచ్చారు. న్యూ డిమోక్రసి జిల్లా సహాయ కార్యదర్శి గౌని నాగేశ్వర్ రావు, మాస్ లైన్ నాయకులు పి సతీష్ మాట్లాడారు. సమావేశంలో సిపిఐ నాయకులు సలిగంటి శ్రీనివాస్, కంచర్ల జమలయ్య, మేయర్ మూడ్ గణేష్, సిపిఎం రాష్ట్ర నాయకులు అన్నవరపు కనకయ్య, జిల్లా నాయకులు లిక్కి బాలరాజు, సిపిఐ, న్యూ డిమోక్రసీ, నాయకులు భూక్యా శ్రీనివాస్, నేరెళ్ల రమేష్, గడ్డం ప్రభాకర్, వెంకట్, మోతుకూరి మల్లికార్జున్ రావు, రాజేష్ తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
