రియల్ హీరోకి గ్రీన్ సెల్యూట్ ప్రాణాలు కాపాడిన వీరుడి పేరిట మొక్క నాటిన 8 ఏళ్ల వనజీవి చౌహాన్.
తెలుగు వెలుగు టీవీ - వార్తలు / కొత్తగూడెం : మొక్కలు నాటడం కేవలం పర్యావరణ పరిరక్షణే కాదు అది ఒక గొప్ప వ్యక్తికి ఇచ్చే నిజమైన గౌరవం అని నిరూపించాడు 8 ఏళ్ల బాల ప్రకృతి ప్రేమికుడు వనజీవి విశ్వామిత్ర చౌహాన్.పర్యావరణ పరిరక్షణ కోసం తన వంతు బాధ్యతగా వాక్ ఫర్ ట్రీస్ కాన్సెప్ట్ తో గత 1584 రోజులుగా క్రమం తప్పకుండా ప్రతిరోజూ మొక్కలు నాటుతున్న ఈ చిన్నారి ప్రకృతి ప్రేమికుడు మరో స్ఫూర్తిదాయక కార్యక్రమానికి శ్రీకారం చుట్టాడు.విద్యానగర్ గ్రామ పంచాయతీ కార్యాలయ ఆవరణంలో అరుదైన తైవాన్ మామిడి మొక్కను నాటాడు. ఈ మొక్కను ఇటీవల జరిగిన విమాన ప్రమాదంలో 180 మంది ప్రయాణికుల ప్రాణాలను తన ధైర్యసాహసాలతో కాపాడిన రియల్ హీరో స్మిత్ మచ్చర్ కి అంకితం చేస్తున్నట్లు ప్రకటించాడు.ఈ సందర్భంగా విశ్వామిత్ర చౌహాన్ మాట్లాడుతూ విమానంలో తోటి పైలెట్ కత్తిపోట్లకు గురైనా ధైర్యం కోల్పోకుండా ప్రయాణికులను రక్షించాలనే తపనతో వ్యవహరించిన మచ్చర్ తెగువకు శిరస్సు వంచి పాదాభివందనం చేస్తున్నానని తన ప్రాణం పోతుందని తెలిసినా లెక్కచేయకుండా 180 కుటుంబాల్లో వెలుగులు నింపిన స్మిత్ మచ్చర్ నిజమైన హీరో ఆయన త్యాగం నేటి యువతకు దిక్సూచి. భారతదేశం గర్వించదగ్గ ఇలాంటి యువకుడికి యావత్ భారతావని సెల్యూట్ చేస్తోంది. ఆయన ధైర్యానికి గుర్తుగా ఈ మొక్క చిరకాలం బతికి ఎందరికో నీడనిస్తుంది స్ఫూర్తినిస్తుంది అని భావోద్వేగంగా కొనియాడాడు ఈ కార్యక్రమంలో పంచాయతీ సిబ్బంది విద్యార్థులు పాల్గొన్నారు
Admin
తెలుగు వెలుగు టీవీ
మరిన్ని వార్తలు
Developed By :
