కార్మికుల సమస్యలు పరిష్కరించాలి ... ఎఐటియుసి అద్యక్షులు వాసిరెడ్డి సీతారామయ్య
తెలుగు వెలుగు టీవీ - వార్తలు / కొత్తగూడెం : కొత్తగూడెం శేషగిరిభవన్ లో ఆదివారం ఉదయం కార్మికుల సమస్యల పై గుర్తింపు సంఘం ఎఐటియుసి అధ్యక్షులు వాసిరెడ్డి సీతారామయ్య, జనరల్ సెక్రటరీ కొరిమి రాజ్ కుమార్ ప్రెస్ మీట్ నిర్వహించారు,అనంతరం కార్మిక సమస్యల పై మీడియా తో అధ్యక్షులు వాసిరెడ్డి సీతారామయ్య మాట్లాడుతూ సింగరేణి భవిష్యత్ కోసం సంస్థ అధికారులు దృష్టి పెట్టీ 1/70 యాక్ట్ లో ఉన్న కోయగూడెం ఓసి ,గోదావరిఖని లోని తాడిచర్ల 2, భూపాలపల్లి లోని వెంకటాపూర్ ఓసీ, సత్తుపల్లి ఓసీ 3 లలో బొగ్గును ప్రైవేటు వారికి ఇవ్వకుండా సింగరేణి నే తీయాలి గుర్తింపు కార్మిక సంఘం అధ్యక్షుడు సీతారామయ్య డిమాండ్ చేశారు. యాజమాన్యం ఈ విషయం మీద వెంటనే నిర్ణయం తీసుకోవాలని లేని పక్షంలో ఏఐటీయూసీ ఆధ్వర్యంలో కార్మిక ఉద్యమాలు చేపడతామని హెచ్చరించారు. సింగరేణి లో జరుగుతున్న కుంభకోణల మీద విజిలెన్స్ అధికారులు దృష్టిపెట్టకపోవడం పట్ల గుర్తింపు కార్మిక సంఘం అధ్యక్ష కార్యదర్శులు తీవ్రంగా మండిపడ్డారు ప్రభుత్వ జోక్యం వల్ల ఎక్స్ప్లోసివ్ టెండర్ ల లో సుమారు సింగరేణి సంస్థ కు 450కోట్ల నష్టం జరిగిందనీ అదే విధంగా ఫారెస్ట్రీ డిపార్ట్మెంట్ లో అనేక కుంభకోణలకు పాల్పడుతున్న అవినీతి అధికారుల మీద వెంటనే చర్యలు తీసుకోకుండా మీనమేషాలు లెక్కిస్తున్న యాజమాన్యం సాధారణ ఉద్యోగులు చేసే చిన్న చిన్న పొరపాట్ల మీద వెంటనే చర్యలు తీసుకోవడం పట్ల ఆగ్రహం వ్యక్తం చేశారు అధికారులకు ఒక న్యాయం కార్మికులకు ఒక న్యాయం ఉండరాదని స్పష్టం చేశారు. సంస్థ సి&ఎండి, డైరెక్టర్ల స్ట్రక్చర్ సమావేశం లో ఒప్పుకున్న పలు కార్మిక సమస్యల పై వెంటనే సర్క్యులర్ లు యాజమాన్యం విడుదల చెయ్యాలి అని డిమాండ్ చేశారు. అదేవిధంగా మైనింగ్ ట్రేడ్స్ మెన్ ఉద్యోగులు మెడికల్ అన్ఫిట్ అయితే వారికి సర్ఫేస్ లో సుటబుల్ జాబ్ ఇవ్వాలని ఈపి ఆపరేటర్లకు డి నుండి సీ, సీ నుండి బీ గ్రేడ్ ఉద్యోగులకు వెకెన్సీస్ తో సంబంధం లేకుండా ప్రమోషన్ లు ఇవ్వలని అదేవిధంగా మారుపేర్ల విషయం పై అడ్వకేట్ జనరల్ దగ్గర ఉన్నందున యాజమాన్యం మారు పేర్ల సమస్యని వెంటనే పరిష్కారం అయ్యేవిధంగా ప్రభుత్వం తో పాటు అడ్వకేట్ జనరల్ ను సంప్రదించి సమస్యను పరిష్కరించి కార్మికులకు న్యాయం జరిగేవిధంగా చూడాలనీ డిమాండ్ చేశారు. గతంలో జరిగిన మెడికల్ బోర్డు లో 55 మంది బోర్డుకు హాజరవ్వగా ఐదుగురు మాత్రమే అన్ఫిట్ చేశారు అని మిగిలిన 50 మందికి మళ్ళీ మెడికల్ బోర్డు పెట్టాలి అని డిమాండ్ చేశారు. యూనియన్ ప్రధాన కార్యదర్శి కొరిమి రాజకుమార్ మాట్లాడుతూ కార్మికులకు వెంటనే 200 గజాల స్థలం ఇచ్చి గృహా నిర్మాణానికి కోల్ ఇండియా తరహా లో ఏవిధంగా అయితే వడ్డీ లేని రుణం 30లక్షలు మంజూరు చేస్తుందో అదే విధంగా సింగరేణి కార్మికుడికి కూడా రుణం కల్పించి సొంత ఇంటికల నెరవేర్చాలి అని డిమాండ్ చేశారు. గడిచిన ఫైనాన్షియల్ సంవత్సరం లో అసలు లాభాలు ఎంత వచ్చాయో స్పష్టంగా తెలిపి వాస్తవ లాభాల పై 35శాతం ప్రకటించాలని డిమాండ్ చేశారు. క్లరికల్ ఖాళీలు వెంటనే భర్తీ చెయ్యాలనీ కోర్టు కి వెళ్లిన 110మంది నీ మినహాయించి మిగత ఖాళీలను వెంటనే భర్తీ చెయ్యాలి అని కోరారు. ఈ కార్యక్రమంలో సెంట్రల్ ఆర్గనైజింగ్ కార్యదర్శి వీరాస్వామి, కార్పొరేట్ బ్రాంచ్ కార్యదర్శి రమణమూర్తి, వైస్ ప్రెసిడెంట్ క్రిస్టోఫర్, కతర్ల రాములు, సందేబోయిన శ్రీనివాస్, హుమాయూన్, మీడియా ఇంచార్జి కమల్,రాము,సాంబమూర్తి, మధుకృష్ణ, మర్రిగోపి,మండల రాజేశ్వరరావు,కోటి, ఏం ఆర్ కె ప్రసాద్, గోపి,తిరుపతి, రాంశంకర్,మల్లికార్జున్ తదితరులు పాల్గొన్నారు
Admin
తెలుగు వెలుగు టీవీ
మరిన్ని వార్తలు
Developed By :
