జిల్లా పోలీస్ హెడ్ క్వార్టర్స్ నందు అధికారులకు,సిబ్బందికి ఉచిత కంటి పరీక్షల శిబిరంలో పాల్గొన్న ఎస్పీ రోహిత్ రాజు ఐపిఎస్.

Date : 17 October 2025 07:50 PM Views : 462

తెలుగు వెలుగు టీవీ - వార్తలు / కొత్తగూడెం : కంటి చూపును కాపాడుకోవడానికి సరైన పోషకాహారం తీసుకోవడం,స్క్రీన్ సమయాన్ని తగ్గించడం,సరైన లైటింగ్‌లో పనిచేయడం వంటివి ప్రతి ఒక్కరూ అలవరుచుకోవాలి : ఎస్పీ రోహిత్ రాజు ఐపిఎస్. జిల్లా ఎస్పీ రోహిత్ రాజు ఐపిఎస్ ఆదేశాల మేరకు ఏఆర్ డిఎస్పీ సత్యనారాయణ ఆధ్వర్యంలో జిల్లా పోలీస్ హెడ్ క్వార్టర్స్ నందు పోలీస్ అధికారులు,సిబ్బంది మరియు వారి కుటుంబాలకు ఉచితంగా కంటి పరీక్షల మెగా వైద్య శిబిరాన్ని ఏర్పాటు చేశారు.శరత్ మాక్సివిజన్ కంటి ఆసుపత్రి వారి సహకారంతో పోలీస్ అధికారులు మరియు సిబ్బంది కొరకు ఈ శిబిరాన్ని ఏర్పాటు చేయడం జరిగింది.ఈ కార్యక్రమానికి ఎస్పీ రోహిత్ రాజు ఐపిఎస్ గారు ముఖ్య అతిధిగా హాజరయ్యారు.ఈ సందర్భంగా ఆయన మాట్లాడుతూ ప్రతి మనిషికి శరీరంలోని అన్ని అవయవాలలో కళ్ళు చాలా ప్రధానమైనవి అని అన్నారు.ప్రస్తుతం మొబైల్ ఫోన్ వినియోగం ఎక్కువ కావడం ద్వారా మన కంటి చూపులో సమస్యలు త్వరగా వచ్చే అవకాశం ఉన్నందున ప్రతి ఒక్కరూ కంటి చూపు విషయంలో అప్రమత్తంగా ఉండాలని సూచించారు.వీలైనంత తక్కువగా మొబైల్ ఫోన్ వాడుతూ,తగిన జాగ్రత్తలు తీసుకోవాలని సూచించారు.వైద్యులు సూచించినట్లుగా పరీక్షలు చేయించుకుని కంటి చూపు లోపాలు లేకుండా చికిత్సలు చేయించుకోవాలని తెలిపారు.ఎలాంటి సమస్యలు తలెత్తకుండా కంటిచూపును ఎప్పటికప్పుడు సరిగ్గా కాపాడుకోగలిగితేనే మన దైనందిన కార్యక్రమాలను సరిగ్గా చేసుకోగలమని తెలిపారు.పోలీసు అధికారులు,సిబ్బంది మరియు కుటుంబ సభ్యులు ఈ అవకాశాన్ని సద్వినియోగం చేసుకొని ప్రతి ఒక్కరూ కంటి పరీక్షలు చేయించుకోవాల్సిందిగా కోరారు.అనంతరం ఈ కార్యక్రమంలో సుమారుగా 150 మందికి పైగా కంటి పరీక్షలు (స్క్రీనింగ్,డిస్టెన్స్ విజిబిలిటీ టెస్ట్) చేయించుకున్నారు.ఈ కార్యక్రమంలో ఏఆర్ డిఎస్పీ సత్యనారాయణతో పాటు ఆర్ఐలు సుధాకర్,నరసింహారావు,కృష్ణారావు,లాల్ బాబు మరియు ఇతర అధికారులు,సిబ్బంది తదితరులు పాల్గొన్నారు.

లోకల్ యాడ్స్

మరిన్ని వార్తలు