రామవరం కార్మిక వాడల లో మంచినీటి సమస్యపై సూపర్వైజర్ కి వినతిపత్రాన్ని అందించిన సిపిఐ నాయకులు మునిగడప వెంకటేశ్వర్లు.

Date : 05 April 2025 12:52 PM Views : 851

తెలుగు వెలుగు టీవీ - వార్తలు / కొత్తగూడెం : భద్రాద్రి కొత్తగూడెం ఏప్రిల్ 5 (తెలుగువెలుగు) : రామవరం కార్మికవాడలో గత వారం రోజుల నుండి సింగరేణి మంచినీళ్లు రాక కార్మిక వాడల్లో మంచినీటి ఎద్దడి నెలకొందని తక్షణమే మంచినీటి ఎద్దడికి సింగరేణి యాజమాన్యం చర్యలు తీసుకొని ,రామవరం ప్రాంత ప్రజల దాహార్తిని తీర్చాలని సిపిఐ మాజీ మున్సిపల్ ఫ్లోర్ లీడర్, జిల్లా నాయకులు మునిగడప వెంకటేశ్వర్లు సింగరేణి అధికారులకు విజ్ఞప్తి చేశారు. శనివారం రామవరం సివిల్ డిపార్ట్మెంట్లో సూపర్వైజర్ షరీఫ్ కి ఆ ప్రాంత ప్రజలతో కలిసి వినతి పత్రాన్ని అందించారు. ఈ సందర్భంగా ఆయన మాట్లాడుతూ కార్మికవాడలోని సింగరేణి కార్మికులు, రిటైర్డ్ కార్మికుల కుటుంబాలు, ఇతర కుటుంబాలు గత వారం రోజుల నుండి సకాలంలో మంచినీళ్లు అందగా తీవ్ర ఇబ్బందులు పడుతున్నారని, తక్షణమే చర్యలు చేపట్టి రోజు రెండు పూటలా మంచినీళ్లు అందించాలని ఆయన కోరారు. మోటార్లు రిపేర్ అయినా సందర్భంలో యాజమాన్యం స్టాండ్ బై మోటార్లను ఏర్పాటు చేసుకుంటే ఇలాంటి పరిస్థితి రాదని, తక్షణమే స్టాండ్ బై మోటార్లను ఏర్పాటు చేసుకొని మంచినీటి సమస్యకు పరిష్కార మార్గాన్ని చూపాలని ఆయన కోరారు. అలాగే త్రీ ఇంక్లైన్ ప్రాంతానికి సంబంధం లేకుండా రామవరం ప్రాంతానికి గతంలో మాదిరిగా మంచినీళ్లు అందిస్తే అందరికీ సరిపోను నీళ్లు అందుతాయని ఆయన విజ్ఞప్తి చేశారు. వినతిపత్రంపై స్పందించిన సూపర్వైజర్ మాట్లాడుతూ యుద్ధ ప్రాతిపదికన మంచినీళ్లు ఇచ్చేందుకు చర్యలు చేపడుతున్నామని సుమారు రేపు లేదా ఎల్లుండి సకాలంలో మంచినీళ్లు అందుతాయని ఆయన హామీ ఇచ్చారని వారు తెలిపారు. వినతిపత్రం అందించిన వారిలో ఉన్నదాసు గడ్డ టు శాఖ కార్యదర్శి సూరి మేని జనార్ధన్, బయన ఈశ్వరయ్య ,పదవ వార్డు శాఖ సభ్యులు కుమార్ ,దివాకర్, ఉప్పతల శ్రీను, గంగరాజు ,శంకర్, మహిళా నాయకురాలు ముద్దం మార్తమ్మ, బెల్లం బేబీ, ఏకాంత, బత్తుల పద్మ, కాపు అంజమ్మ ,విజయ, రమాదేవి తదితరులు పాల్గొన్నారు.

లోకల్ యాడ్స్

మరిన్ని వార్తలు