కేంద్రం మొండివైఖరివల్లే సమ్మె అనివార్యమైంది : సిపిఐ జిల్లా కార్యదర్శి ఎస్ కె సాబీర్ పాషా
తెలుగు వెలుగు టీవీ - వార్తలు / కొత్తగూడెం : ప్రజలను, బ్యాంకు ఉద్యోగులను ఇబ్బందిపెట్టే చర్యలు మానుకోవాలి న్యాయమైన డిమాండ్లు అంగీకరించి సమ్మెను నివారించండి ద్వైపాక్షిక ఒప్పందాలను రక్షించాలి బ్యాంక్ ఉద్యోగుల సమ్మెకు సంపూర్ణ మద్దతు ప్రకటిస్తున్నాం : సిపిఐ జిల్లా కార్యదర్శి ఎస్ కె సాబీర్ పాషా బ్యాంకింగ్ ఉద్యోగుల న్యాయమైన సమస్యలను పరిష్కరించడంలో కేంద్ర ప్రభుత్వం అనుసరిస్తున్న నిర్లక్ష్య వైఖరి వల్లే సమ్మె అనివార్యమై ప్రజల, బ్యాంకు ఉద్యోగులు ఇబ్బందుల్లోకి నెట్టివేయబడుతున్నారని సిపిఐ భద్రాద్రి కొత్తగూడెం జిల్లా కార్యదర్శి ఎస్ కె సాబీర్ పాషా ఆవేదన వ్యక్తం చేశారు. బ్యాంక్ ఉద్యోగుల సమస్యలపై యునైటెడ్ ఫోరం ఆఫ్ బ్యాంక్ యూనియన్స్ చేపట్టిన దేశవ్యాప్త సమ్మెకు సంఘీభావం తెలిపారు, శనివారం మేయర్ మూడ్ గణేష్ తో కలిసి ఎస్ బి ఐ కొత్తగూడెం బ్రాంచిని సందర్శించి ఉద్యోగులతో సమావేశమయ్యారు. ఈ సందర్భంగా ఆయన మాట్లాడుతూ.. పాలకులు మొండివైఖరి విడనాడి ఉద్యోగుల డిమాండ్లను పరిష్కరించకపోవడంతో ఆర్థిక కార్యకలాపాలు స్తంభించి సామాన్య ప్రజలు, ఖాతాదారులు తీవ్ర అవస్థలు పడాల్సి వస్తోందని మండిపడ్డారు. వారానికి 5 రోజుల పని విధానం అమలుపై ఐబీఏ, యూనియన్ల మధ్య కుదిరిన ఒప్పందాన్ని కేంద్రం గత రెండున్నరేళ్లుగా ఆమోదించకుండా తొక్కిపెట్టడం దుర్మార్గమన్నారు. బ్యాంకింగ్ రంగంలో సుదీర్ఘకాలంగా కొనసాగుతున్న ద్వైపాక్షిక ఒప్పందాలను కాపాడాలని డిమాండ్ చేశారు. ఉమ్మడి చర్చలతో ఖరారైన పీఎల్ఐ విధానాన్ని మార్చి, కేవలం ఉన్నతాధికారులకే లబ్ధి చేకూరుస్తూ ఉద్యోగుల మధ్య అంతరాలు సృష్టించే కుట్రలను ఉపసంహరించుకోవాలన్నారు. కార్పొరేట్ శక్తులకు మేలు చేసేలా బ్యాంకింగ్ రంగాన్ని నిర్వీర్యం చేసే చర్యలను కేంద్రం వెంటనే విరమించుకోవాలని, లేనిపక్షంలో పోరాటాలను మరింత ఉధృతం చేస్తామని హెచ్చరించారు.
Admin
తెలుగు వెలుగు టీవీ
మరిన్ని వార్తలు
Developed By :
