కొత్తగూడెంలో తొమ్మిది రోజుల పాటు ఘనంగా బతుకమ్మ సంబరాలు
తెలుగు వెలుగు టీవీ - వార్తలు / కొత్తగూడెం : డా. జీఎస్ఆర్ చారిటబుల్ ట్రస్ట్ ఆధ్వర్యంలో అక్టోబర్ 10 నుంచి 18 వరకు వేడుకలు ప్రతిరోజూ సాయంత్రం 6 గంటల నుంచి బతుకమ్మ సంబరాలు ఉత్తమ బతుకమ్మకు ప్రతిరోజూ పట్టుచీర బహుమతి – మరో నలుగురికి ప్రోత్సాహక బహుమతులు తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను ఈ ఏడాది కొత్తగూడెంలో తొమ్మిది రోజుల పాటు ఘనంగా నిర్వహించనున్నట్లు డా. జీఎస్ఆర్ చారిటబుల్ ట్రస్ట్ ప్రకటించింది. గత ఐదేళ్లుగా కొత్తగూడెం నియోజకవర్గంలో నిర్వహిస్తున్న బతుకమ్మ వేడుకలను ఈ ఏడాది మరింత విస్తృతంగా నిర్వహించేందుకు ఏర్పాట్లు చేస్తున్నాం. అక్టోబర్ 10, శనివారం నుంచి అక్టోబర్ 18, ఆదివారం వరకు ప్రతిరోజూ సాయంత్రం 6 గంటల నుంచి కొత్తగూడెం విద్యానగర్ కాలనీలోని జనసేన పార్టీ జిల్లా కార్యాలయంలో బతుకమ్మ సంబరాలు నిర్వహించనున్నారు. ఈ వేడుకల్లో డా. జీఎస్ఆర్ చారిటబుల్ ట్రస్ట్ వ్యవస్థాపకులు, జనసేన పార్టీ తెలంగాణ రాష్ట్ర ఆర్గనైజింగ్ సెక్రటరీ, వరంగల్–ఖమ్మం–నల్గొండ పట్టభద్రుల ఎమ్మెల్సీ అభ్యర్థి, తెలంగాణ మాజీ హెల్త్ డైరెక్టర్ డా. గడల శ్రీనివాసరావు పాల్గొననున్నారు. వేడుకల్లో భాగంగా ప్రతిరోజూ అత్యుత్తమంగా అలంకరించిన బతుకమ్మకు పట్టుచీరను ప్రథమ బహుమతిగా, మరో నలుగురు మహిళలకు ప్రోత్సాహక బహుమతులను అందజేయనున్నారు. బతుకమ్మ అంటే కేవలం పండుగ కాదు… తెలంగాణ ఆడపడుచుల ఆత్మగౌరవానికి, ఐక్యతకు, మన సంస్కృతికి నిలువెత్తు ప్రతీక. ఈ వేడుకల్లో కొత్తగూడెం నియోజకవర్గంతో పాటు పరిసర ప్రాంతాల మహిళలు పెద్ద సంఖ్యలో పాల్గొని, బతుకమ్మ సంబరాలను విజయవంతం చేయాలని కోరుకుంటున్నాం. కార్యక్రమ వివరాలు * తేదీలు: అక్టోబర్ 10–18, 2026 * సమయం: ప్రతిరోజూ సాయంత్రం 6 గంటల నుంచి * వేదిక: జనసేన పార్టీ జిల్లా కార్యాలయం, హెచ్‌పీ గ్యాస్ గోడౌన్ లైన్, విద్యానగర్ కాలనీ, కొత్తగూడెం. * సంప్రదించవలసిన నంబర్: 9701048341 రండి… బతుకమ్మ ఆడుదాం! మన తెలంగాణ సంస్కృతిని, సంప్రదాయాలను ఘనంగా చాటుదాం!
Admin
తెలుగు వెలుగు టీవీ
మరిన్ని వార్తలు
Developed By :
