పీహెచ్‌సీ సుజాతనగర్లో డీఎంహెచ్‌ఓ ఆకస్మిక తనిఖీ.జిల్లా వైద్య ఆరోగ్యశాఖ అధికారి డాక్టర్ తుకారాం రాథోడ్.
తెలుగు వెలుగు టీవీ - వార్తలు / కొత్తగూడెం : పీహెచ్‌సీ సుజాతనగర్లో డీఎంహెచ్‌ఓ ఆకస్మిక తనిఖీ.సుజాతనగర్ ప్రాథమిక ఆరోగ్య కేంద్రాన్ని జిల్లా వైద్య ఆరోగ్యశాఖ అధికారి డాక్టర్ తుకారాం రాథోడ్ గురువారం ఆకస్మికంగా తనిఖీ చేశారు. ఈ సందర్భంగా ఆసుపత్రిలోని వైద్య సేవలు, మందుల నిల్వలు, రికార్డుల నిర్వహణ, ప్రజలకు అందుతున్న ఆరోగ్య సేవలను పరిశీలించారు.ఈ సందర్భంగా సిబ్బందికి పలు సూచనలు చేశారు. ముఖ్యంగా EDD క్యాలెండర్‌ను గత నెల, ప్రస్తుత నెల, రాబోయే నెలకు సంబంధించిన వివరాలతో మూడు నెలలపాటు క్రమం తప్పకుండా నిర్వహించాలని ఆదేశించారు.ఫార్మసీ అధికారిని మందుల నిల్వలను ఎప్పటికప్పుడు పరిశీలిస్తూ ARV, AV, యాంటీ రేబీస్ వ్యాక్సిన్‌లు తగినంత పరిమాణంలో అందుబాటులో ఉండేలా చర్యలు తీసుకోవాలని సూచించారు. అలాగే ORS, జింక్ మాత్రలు తగినంతగా నిల్వ ఉంచాలని, కుటుంబ నియంత్రణ కార్నర్‌ను అవసరమైన సమాచారంతో సక్రమంగా నిర్వహించాలని ఆదేశించారు.పీహెచ్‌సీలో పరిపాలనా, నివేదికల నిర్వహణ సక్రమంగా జరిగేలా ఉదయం 9 గంటల నుంచి సాయంత్రం 4 గంటల వరకు ఒక సూపర్‌వైజరీ క్యాడర్ సిబ్బంది తప్పనిసరిగా అందుబాటులో ఉండాలని డీఎంహెచ్‌ఓ సూచించారు.ప్రజలకు నాణ్యమైన వైద్య సేవలు అందించడంతో పాటు, మందులు మరియు వ్యాక్సిన్‌ల లభ్యత, రికార్డుల నిర్వహణ, నివేదికల సమర్పణలో ఎలాంటి లోపాలు లేకుండా సిబ్బంది సమన్వయంతో పనిచేయాలని డీఎంహెచ్‌ఓ ఆదేశించారు.ఈ తనిఖీలో డాక్టర్ బి. ప్రతాప్, పీఓ–సీహెచ్‌ఐ, మోహన్ డీపీఎంఓ, నాగభూషణం సీహెచ్‌ఓతో పాటు పీహెచ్‌సీ సిబ్బంది పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
