జాతీయ పంచాయతీ అవార్డుకు నామినేట్ అయిన సీతంపేట బంజారా గ్రామ పంచాయతీని సందర్శించిన కేంద్ర బృందం
తెలుగు వెలుగు టీవీ - వార్తలు / కొత్తగూడెం : సుజాతనగర్ మండలంలోని సీతంపేట బంజారా గ్రామ పంచాయతీ, “క్లీన్ అండ్ గ్రీన్ పంచాయతీ” (పరిశుభ్రత మరియు పచ్చదనం) విభాగంలో జాతీయ పంచాయతీ అవార్డుకు నామినేట్ అయింది.ఈ నేపథ్యంలో, నేడు కేంద్ర బృందం గ్రామ పంచాయతీని సందర్శించి, పారిశుద్ధ్యం, మొక్కల పెంపకం, పర్యావరణ పరిరక్షణ తదితర అంశాల్లో గ్రామ పంచాయతీ చేపట్టిన కార్యక్రమాలు, సాధించిన పురోగతిని పరిశీలించింది. ఈ సందర్భంగా గ్రామస్థులతో బృందం ముఖాముఖి చర్చించి, అమలు చేస్తున్న పరిశుభ్రత మరియు పచ్చదనం కార్యక్రమాల వివరాలను, వాటి ప్రభావాన్ని తెలుసుకుంది. అదేవిధంగా, 2023–24 ఆర్థిక సంవత్సరానికి సంబంధించిన రికార్డులను క్షుణ్ణంగా పరిశీలించింది.ఈ కేంద్ర బృందంలో పినాకి తహబిల్దార్, కార్యదర్శి, కేంద్ర పంచాయతీరాజ్ మంత్రిత్వ శాఖ (MoPR) మరియు శ్రీ సత్యజిత్ పాత్రో, కన్సల్టెంట్, SoEPR పాల్గొన్నారు.ఈ కార్యక్రమంలో జిల్లా పంచాయతీ అధికారి బి. అనూష , కొత్తగూడెం డివిజనల్ పంచాయతీ అధికారి కె. ప్రభాకర్, ఎంపీడీఓ బి. భారతి, ఎంపీఓ జె.ఎల్.జి. గాంధీ, గ్రామ సర్పంచ్ గూగులోత్ జానకిరామ్ మరియు పంచాయితీ కార్యదర్శి అజ్మీర నరసింహారావు మరియు ఇతర పంచాయతీ కార్యదర్శులు మరియు గ్రామా స్తులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
