పంట నష్టపోయిన రైతులకు పరిహారమివ్వాలి. పారిశుధ్య పనులను ముమ్మరం చేపట్టాలి. సిపిఐ జిల్లా కార్యదర్శి ఎస్ కే సాబీర్ పాషా.
తెలుగు వెలుగు టీవీ - వార్తలు / కొత్తగూడెం : ???? తుఫాను నష్టాన్ని వెంటనే అంచనా వేయాలి.పంట నష్టపోయిన రైతులకు పరిహారమివ్వాలి.పాత ఇండ్లు, గుడిసెవాసులు జాగ్రత్తలు పాటించాలి. బస్తీలు, గ్రామాల్లో వైద్య శిబిరాలు ఏర్పాటు చేయాలి.పారిశుధ్య పనులను ముమ్మరం చేపట్టాలి. సిపిఐ జిల్లా కార్యదర్శి ఎస్ కే సాబీర్ పాషా.'అర్ణబ్' తుఫాను ప్రభావంతో పంటలు కోల్పోయి తీవ్రంగా నష్టపోతున్న అన్నదాతలకు ప్రభుత్వం వెంటనే తగిన పరిహారం అందించి ఆదుకోవాలని సిపిఐ జిల్లా కార్యదర్శి ఎస్ కే సాబీర్ పాషా డిమాండ్ చేశారు. తుఫాను తాకిడితో ప్రజలు, రైతాంగం ఎదుర్కొంటున్న సమస్యలపై బుధవారం కొత్తగూడెంలోని పార్టీ జిల్లా కార్యాలయం శేషగిరిభవన్'లో ఆయన మాట్లాడారు. వ్యవసాయ, రెవెన్యూ శాఖ అధికారులు క్షేత్రస్థాయికి వెళ్లి తక్షణమే పంట నష్టంపై సమగ్ర సర్వే నిర్వహించి ప్రభుత్వానికి నివేదికలు సమర్పించాలని కోరారు. ఆరుగాలం శ్రమించి సాగుచేసిన పంటలు తుఫాను పాలై రైతులు తీవ్ర ఆందోళనలో ఉన్నారని, ఒక్కో ఎకరానికి ప్రభుత్వమే నేరుగా నష్టపరిహారం చెల్లించేలా అధికారులు చొరవ చూపాలన్నారు. భారీ వర్షాలు, ఈదురుగాలులు వీస్తున్నందున పాత ఇళ్లలో నివసిస్తున్నవారు, గుడిసెవాసులు అప్రమత్తంగా ఉంటూ సురక్షిత ప్రాంతాల్లో ఉండాలని సూచించారు. మున్సిపల్ కార్పొరేషన్ యంత్రాంగం, గ్రామ పంచాయతీల అధికారులు స్థానికంగా పారిశుధ్య పనులను ముమ్మరం చేయాలని కోరారు. వీధుల్లో నీరు నిల్వకుండా చూడాలని, వ్యాధులు ప్రబలకుండా నివారణ చర్యలు చేపట్టాలన్నారు. అలాగే వైద్య ఆరోగ్య శాఖ కూడా పూర్తి అప్రమత్తతతో వ్యవహరించి బస్తీలు, గ్రామాల్లో తక్షణమే ప్రత్యేక ఉచిత వైద్య శిబిరాలను ఏర్పాటు చేయాలని స్పష్టం చేశారు. బాధితులకు అవసరమైన మందులు, అత్యవసర వైద్య సేవలను అందుబాటులో ఉంచాలని పేర్కొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
