సుజాతనగర్ పీహెచ్‌సీ పరిధిలో సాధారణ టీకాకరణ కార్యక్రమాల పరిశీలన.
తెలుగు వెలుగు టీవీ - వార్తలు / కొత్తగూడెం : జిల్లా వైద్య మరియు ఆరోగ్య అధికారి (DM&HO) ఆదేశాల మేరకు, నేడు జిల్లా చైల్డ్ ఆరోగ్య మరియు ఇమ్యునైజేషన్ అధికారి డా. ప్రతాప్ సుజాతనగర్ ప్రాథమిక ఆరోగ్య కేంద్రాన్ని సందర్శించి, సింగభూపాలెం, పాత అంజనాపురం మరియు సర్వారం ఆరోగ్య ఉప కేంద్రాలలో నిర్వహిస్తున్న సాధారణ టీకాకరణ (Routine Immunization) కార్యక్రమాలను పరిశీలించారు.ఈ సందర్భంగా టీకాకరణ సేవల అమలు, లబ్ధిదారుల హాజరు, వ్యాక్సిన్ నిల్వలు, రికార్డుల నిర్వహణ తదితర అంశాలను సమీక్షించారు. గర్భిణీలు, చిన్నారులకు నిర్దేశిత సమయానికి టీకాలు అందేలా చర్యలు తీసుకోవాలని సిబ్బందికి సూచించారు.అలాగే త్వరలో నిర్వహించనున్న పల్స్ పోలియో కార్యక్రమం, స్టాప్ డయేరియా క్యాంపెయిన్ (SDC), జాతీయ క్రిమి నివారణ దినోత్సవం (National Deworming Day) మరియు ఎంఆర్ ఎలిమినేషన్ క్యాంపెయిన్ కార్యక్రమాలపై వైద్య సిబ్బందికి ప్రత్యేక సూచనలు అందజేశారు. ఈ కార్యక్రమాలను విజయవంతంగా నిర్వహించేందుకు ముందస్తు ప్రణాళిక, లబ్ధిదారుల గుర్తింపు, ప్రజల్లో అవగాహన కల్పన మరియు క్షేత్రస్థాయిలో సమన్వయంతో పనిచేయాలని సూచించారు.ఈ పర్యటనలో కమ్యూనిటీ హెల్త్ ఆఫీసర్ (CHO) నాగభూషణం పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
