Thursday, 05 November 2026 07:06:07 PM
మురుసు తుఫాన్ బాధిత రైతులకు నష్టపరిహారం ఇవ్వాలి: సీపీఐ డిమాండ్.
Date : 05 November 2026 06:55 PM
Views : 5
తెలుగు వెలుగు టీవీ - వార్తలు / కొత్తగూడెం : మురుసు తుఫాన్ కారణంగా తీవ్రంగా నష్టపోయిన రైతులకు ప్రభుత్వం తక్షణమే నష్టపరిహారం అందించి ఆదుకోవాలని సీపీఐ జిల్లా కార్యవర్గ సభ్యులు చంద్రగిరి శ్రీనివాసరావు డిమాండ్ చేశారు. భద్రాద్రి కొత్తగూడెం జిల్లా లక్ష్మీదేవిపల్లి మండలం ఉమ్మడి కారుకొండ పంచాయతీలో తుఫాన్ ధాటికి దెబ్బతిన్న వరి, పత్తి, మిరప పంటలను గురువారం సీపీఐ బృందం పరిశీలించి, రైతులను పరామర్శించింది. అప్పులు తెచ్చి సాగు చేసిన పంటలు చేతికందే సమయంలో నాశనమవడంతో రైతులు తీవ్ర ఆందోళనలో ఉన్నారని ఆయన ఆవేదన వ్యక్తం చేశారు. ప్రభుత్వం వెంటనే వ్యవసాయ, రెవెన్యూ అధికారులతో క్షేత్రస్థాయి సర్వే జరిపించి, యుద్ధప్రాతిపదికన పరిహారం చెల్లించాలని కోరారు. ఈ కార్యక్రమంలో సీపీఐ నాయకులు, మాజీ ప్రజాప్రతినిధులు పాల్గొన్నారు.
telugu velugu
Admin
తెలుగు వెలుగు టీవీ
మరిన్ని వార్తలు
Copyright © Telugu Velugu TV 2026. All right Reserved.
Developed By :
Developed By :