పాఠశాలలను ఆకస్మికంగా తనిఖీ చేసిన కలెక్టర్ అంకిత్.
తెలుగు వెలుగు టీవీ - వార్తలు / కొత్తగూడెం : పాఠశాలలను ఆకస్మికంగా తనిఖీ చేసిన కలెక్టర్ అంకిత్.భద్రాద్రి కొత్తగూడెం జిల్లా కలెక్టర్ అంకిత్ మంగళవారం కొత్తగూడెం మేదరబస్తీలోని ప్రాథమిక, ఉన్నత పాఠశాలలను ఆకస్మికంగా తనిఖీ చేశారు. ఈ సందర్భంగా విద్యార్థుల హాజరు, బోధనా విధానాలు, పదవ తరగతి సిలబస్ పురోగతిని సమీక్షించారు. డిజిటల్ తరగతి గదిని పరిశీలించి, విద్యార్థుల చదివే సామర్థ్యాన్ని స్వయంగా పరీక్షించారు. చదువులో వెనుకబడిన విద్యార్థుల కోసం ప్రత్యేక తరగతులు నిర్వహించాలని, ఈ ఏడాది పదవ తరగతి ఉత్తీర్ణత శాతాన్ని మరింత పెంచేలా ప్రణాళికాబద్ధంగా పనిచేయాలని ఉపాధ్యాయులను ఆదేశించారు. అనంతరం మధ్యాహ్న భోజన నాణ్యతను తనిఖీ చేసి, పరిశుభ్రత పాటించాలని సిబ్బందికి సూచించారు. ఈ కార్యక్రమంలో తాసిల్దార్ పుల్లయ్య, ప్రధానోపాధ్యాయులు బి.వి.ఎల్. కుమార్ తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
