కొత్తగూడెం ఐఎంఏ హాలులో ఎస్సై, కానిస్టేబుల్ అభ్యర్థులకు ఉచిత శిక్షణ తరగతులు ప్రారంభం. జిల్లా ఎస్పీ రోహిత్ రాజు ఐపీఎస్.
తెలుగు వెలుగు టీవీ - వార్తలు / కొత్తగూడెం : కొత్తగూడెం ఐఎంఏ హాలులో ఎస్సై, కానిస్టేబుల్ అభ్యర్థులకు ఉచిత శిక్షణ తరగతులు ప్రారంభం.శిక్షణను సద్వినియోగం చేసుకొని లక్ష్యాన్ని సాధించాలి: జిల్లా ఎస్పీ రోహిత్ రాజు ఐపీఎస్.భద్రాద్రి కొత్తగూడెం జిల్లాలో పోలీస్ శాఖ మరియు సింగరేణి సంస్థ సంయుక్తంగా నిర్వహిస్తున్న ఎస్సై, కానిస్టేబుల్ పోలీస్ ఉద్యోగాల ఉచిత శిక్షణ తరగతులు గురువారం కొత్తగూడెంలోని ఐఎంఏ ఫంక్షన్ హాల్‌లో ప్రారంభమయ్యాయి. ఈ కార్యక్రమానికి ముఖ్య అతిథిగా జిల్లా ఎస్పీ రోహిత్ రాజు ఐపీఎస్ హాజరై శిక్షణ పొందుతున్న అభ్యర్థులకు పలు సూచనలు చేశారు.స్క్రీనింగ్ టెస్ట్ ద్వారా ఎంపికైన 200 మంది అభ్యర్థులకు 60 పని దినాల పాటు ఉచిత శిక్షణ అందించనున్నారు. వివిధ అంశాల్లో నైపుణ్యం కలిగిన అధ్యాపకులతో నాణ్యమైన శిక్షణ అందించేందుకు ఏర్పాట్లు చేశారు. ఈ శిక్షణ కార్యక్రమానికి ఆర్ఐ ఆపరేషన్స్ బి. రవి ఇన్‌చార్జిగా వ్యవహరిస్తున్నారు. శిక్షణ సమయంలో అభ్యర్థులకు ఉచిత మధ్యాహ్న భోజన వసతి కూడా ఏర్పాటు చేశారు.ఈ సందర్భంగా ఎస్పీ రోహిత్ రాజు మాట్లాడుతూ పట్టుదలతో చదివి, నిరంతరం సాధన చేస్తేనే పోలీస్ ఉద్యోగ లక్ష్యాన్ని సాధించగలరని అభ్యర్థులకు సూచించారు. శిక్షణ తరగతులకు క్రమం తప్పకుండా హాజరై అధ్యాపకులు అందించే సూచనలు, శిక్షణను పూర్తిస్థాయిలో సద్వినియోగం చేసుకోవాలని తెలిపారు.పోటీ పరీక్షల్లో ప్రశ్నలను సరిగ్గా అర్థం చేసుకొని, సమయపాలనతో సమాధానాలు రాసే విధానాన్ని అలవర్చుకోవాలని సూచించారు. ప్రతి అభ్యర్థి తన లక్ష్యాన్ని స్పష్టంగా నిర్దేశించుకొని, క్రమశిక్షణతో చదువుతూ, నిరంతరం సాధన చేయాలని అన్నారు. సరైన ప్రణాళిక, సమయపాలన, కష్టపడి చదవడం, పట్టుదలతో ముందుకు సాగితే ఎస్సై, కానిస్టేబుల్ ఉద్యోగాలను సాధించవచ్చని ఎస్పీ తెలిపారు. పోలీస్ శాఖ మరియు సింగరేణి సంస్థ సంయుక్తంగా కల్పిస్తున్న ఈ ఉచిత శిక్షణ అవకాశాన్ని అభ్యర్థులు పూర్తిస్థాయిలో సద్వినియోగం చేసుకొని తమ లక్ష్యాలను సాధించాలని ఎస్పీ ఆకాంక్షించారు. ఈ కార్యక్రమంలో కొత్తగూడెం డీఎస్పీ ఆదినారాయణ, ఏఆర్ డీఎస్పీ సత్యనారాయణ, సింగరేణి వెల్ఫేర్ డీజీఎం సునీల్ కుమార్, ఆర్ఐ ఆపరేషన్స్ బి. రవి, అధ్యాపక బృందం, పోలీస్ అధికారులు, విద్యార్థినీ విద్యార్థులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
