కేంద్ర ప్రభుత్వం తెచ్చిన 4 లేబర్ కోడ్స్ రూల్స్ తెలంగాణ రాష్ట్రంలో కాంగ్రెస్ ప్రభుత్వం అమలు చేయొద్దు, TUCI, డిమాండ్.
తెలుగు వెలుగు టీవీ - వార్తలు / జూలూరుపాడు : కేంద్ర ప్రభుత్వం తెచ్చిన 4,లేబర్ కోడ్స్ రూల్స్ తెలంగాణ రాష్ట్రంలో కాంగ్రెస్ ప్రభుత్వం అమలు చేయొద్దని TUCI భద్రాద్రి కొత్తగూడెం జిల్లా ఉపాధ్యక్షులు ఏదులాపురం గోపాలరావు డిమాండ్ చేశారు.ట్రేడ్ యూనియన్ సెంటర్ ఆఫ్ ఇండియా (టి యు సి ఐ) రాష్ట్ర కమిటీ పిలుపు లో భాగంగా , ఈనెల 30న జిల్లా కేంద్రాలు జరుగుతున్న లేబర్ కోడ్ ప్రతుల దగ్ధం కార్యక్రమాన్ని జయప్రదం చేయాలని కోరుతూ మండల కేంద్రంలోని చంద్రుగొండ ఆటో అడ్డ వద్ద పోస్టర్లను ఆవిష్కరించారు. ఈ కార్యక్రమంలో గోపాలరావు పాల్గొని మాట్లాడుతూ పోరాడి సాధించుకున్న కార్మిక చట్టాలను రద్దు చేసి వాటి స్థానంలో 4 లేబర్ కోడ్స్,ను కేంద్ర ప్రభుత్వం తెచ్చిందని తెలంగాణ రాష్ట్రంలో కాంగ్రెస్ ప్రభుత్వం అమలు చేయొద్దన్నారు. జరుగుతున్న శాసనసభలో తీర్మానం చేయాలని డిమాండ్ చేశారు. 1)పారిశ్రామిక సంబంధాల కోడ్, 2) వేతన కోడ్, 3) సామాజిక భద్రత కోడ్, 4) వృత్తిపరమైన భద్రత ఆరోగ్యం పని పరిస్థితుల కోడ్ ఈ నాలుగు లేబర్ కోడ్స్,కార్మికులకు తీవ్రమైన నష్టదాయకమన్నారు. ఈప్రతులను తగలబెట్టాలని రాష్ట్ర కమిటీ పిలుపునిచ్చిందన్నారు. ఈ కార్యక్రమంలో కార్మికులు నిరసన తెలియజేయడానికి ఈనెల 30న జిల్లా సెంటర్ కు తరలిరావాలని పిలుపునిచ్చారు. ఈ కార్యక్రమంలో టి యు సి ఐ కొత్తగూడెం ఏరియా ఉపాధ్యక్షుడు రాయల సిద్దు, వీరభద్రం, అరుణ్ సురేష్ నరేష్ తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
