ఉద్యోగ నోటిఫికేషన్లు వెంటనే విడుదల చేయాలి - అఖిలభారత యువజన సమైక్య (AIYF) సుజాతనగర్ మండల సమితి
తెలుగు వెలుగు టీవీ - వార్తలు / కొనిజర్ల : ఈరోజు భద్రాద్రి కొత్తగూడెం జిల్లా, సుజాతనగర్ మండల కేంద్రంలోని భారత కమ్యూనిస్టు పార్టీ (రజాబ్ అలీ భవన్) నందు అఖిల భారత యువజన సమైక్య (AIYF) మండల కార్యదర్శి భూక్య రాజేష్ మాట్లాడుతూ... తెలంగాణ రాష్ట్ర ప్రభుత్వం ఏర్పడి దాదాపు సుమారు మూడు సంవత్సరాల కాలం గడుస్తున్నా ఇప్పటివరకు ఏ ఒక్క ఉద్యోగం నోటిఫికేషన్ విడుదల చేయకపోవడం బాధాకరమైన విషయం అని, కాంగ్రెస్ పార్టీ ఎన్నికల సమయంలో ఇచ్చిన హామీలు అయినటువంటి నిరుద్యోగ భృతి, ప్రతి సంవత్సరం జాబ్ క్యాలెండర్ విడుదల చేస్తామని, రాజీవ్ యువ వికాసం పథకం ద్వారా లోను ఇచ్చి స్వయం ఉపాధి కల్పిస్తామన్న హామీలను వెంటనే అమలు పరచాలి. ఏదైతే 5 వేలు కానిస్టేబుల్ పోస్టులు ఉన్నాయో వాటిని 20వేలకు పెంచి నోటిఫికేషన్ వెంటనే విడుదల చేయాలి. గత ప్రభుత్వాలు నిరుద్యోగులను, యువతను విస్మరించి నందు వల్ల వాళ్లకు చెప్పిన బుద్ధి, మీరు నోటిఫికేషన్ ఇయ్యకపోతే మీకు కూడా అదే బుద్ధి చెప్తామని తెలియజేయడం జరిగింది. భద్రాద్రి కొత్తగూడెం జిల్లా, పూర్తిగా ఏజెన్సీ జిల్లా,ఈ జిల్లాలో ఆదివాసి గిరిజనులు ఎక్కువగా నివసిస్తున్నారు, గిరిజన యువతకు ప్రభుత్వం వెంటనే ఉచిత స్టడీ సర్కిల్లు పెట్టి కోచింగ్ ఇవ్వాలి. పైన పేర్కొన్న డిమాండ్స్ ఏవైతే ఉన్నాయో వెంటనే అమలు చేయకపోతే దశల వారీగా ఉద్యమానికి సిద్ధమవుతామని తెలియజేశారు. AIYF సుజాతనగర్ మండల నాయకులు ముకర కృష్ణ గారు, జంపాల అర్జున్ వర్మ గారు, మాచర్ల సాగర్,నవీన్ పొడియాల, భూక్య నరేష్, మేఘశ్యామ్ తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
