కొత్తగూడెం మున్సిపల్ కార్పొరేషన్ పరిధిలోని సుజాతనగర్ లో తెలంగాణ పబ్లిక్ స్కూల్ మంజూరు.టీపీసీసీ జనరల్ సెక్రటరీ నాగా సీతారాములు యాదవ్.

Date : 10 October 2026 06:37 PM Views : 185

తెలుగు వెలుగు టీవీ - వార్తలు / కొత్తగూడెం : కొత్తగూడెం నియోజకవర్గం సుజాతనగర్ లో తెలంగాణ పబ్లిక్ స్కూల్ మంజూరు అయిన సందర్భంగా స్థానిక శాసనసభ్యులు కూనంనేని సాంబశివరావు ఆధ్వర్యంలో వివిధ పార్టీల నాయకులు, పుర ప్రముఖులు హాజరైన పత్రికా విలేకరుల సమావేశంలో టీపీసీసీ జనరల్ సెక్రటరీ నాగా సీతారాములు యాదవ్ పాల్గొన్నారు. ఈ సందర్భంగా ఆయన మాట్లాడుతూ - తెలంగాణ పబ్లిక్ స్కూల్ ను సుజాతనగర్ కు మంజూరు చేయించడంలో సహకరించిన డిప్యూటీ సీఎం భట్టి విక్రమార్కకి, మంత్రులు పొంగులేటి శ్రీనివాస్ రెడ్డికి, తుమ్మల నాగేశ్వరరావుకి, అలాగే ఖమ్మం ఎంపీ రఘురాం రెడ్డికి, రాజ్యసభ ఎంపీ రేణుకా చౌదరికి ప్రత్యేక కృతజ్ఞతలు తెలిపారు.ముఖ్యమంత్రి రేవంత్ రెడ్డి ప్రజా ప్రభుత్వం ప్రతిష్టాత్మకంగా ప్రారంభించిన ఈ పబ్లిక్ స్కూల్ విద్యా విధానం ద్వారా పేద, మధ్యతరగతి విద్యార్థులకు కార్పొరేట్ స్థాయి నాణ్యమైన విద్య అందుతుందన్నారు.ఎమ్మెల్యే కూనంనేని సాంబశివరావు చొరవతో సుజాతనగర్ కు ఈ పాఠశాల రావడం ఈ ప్రాంత ప్రజల చిరకాల కోరిక నెరవేరినట్టేనని, దీనివల్ల కొత్తగూడెం, సుజాతనగర్ పరిసర ప్రాంతాల విద్యార్థులకు ఎంతో మేలు జరుగుతుందని తెలిపారు.ఈ సమావేశంలో వివిధ పార్టీల నాయకులు, పుర ప్రముఖులు, విద్యావేత్తలు పాల్గొన్నారు.

లోకల్ యాడ్స్

మరిన్ని వార్తలు