భద్రాద్రి కొత్తగూడెం జిల్లా వైద్య ఆరోగ్య శాఖ ఆధ్వర్యంలో జిల్లా బాలల ఆరోగ్య మరియు రోగనిరోధక టీకాల కార్యక్రమం.
తెలుగు వెలుగు టీవీ - వార్తలు / కొత్తగూడెం : భద్రాద్రి కొత్తగూడెం జిల్లా వైద్య ఆరోగ్య శాఖ ఆధ్వర్యంలో జిల్లా బాలల ఆరోగ్య మరియు రోగనిరోధక టీకాల కార్యక్రమం సమర్థవంతంగా అమలవుతున్న నేపథ్యంలో, నేడు జిల్లా బాలల ఆరోగ్య మరియు రోగనిరోధక టీకాల కార్యక్రమ అధికారి (PO-CH&I) డా. ప్రతాప్, సీహెచ్‌ఓ జి. నాగభూషణంతో కలిసి మంగపేట ప్రాథమిక ఆరోగ్య కేంద్రాన్ని సందర్శించారు. ఈ సందర్భంగా ప్రాథమిక ఆరోగ్య కేంద్రంలోని ఐఎల్‌ఆర్ (Ice Lined Refrigerator), డీప్ ఫ్రీజర్, కోల్డ్ చైన్ నిర్వహణ, ఉష్ణోగ్రత రికార్డులు తదితర అంశాలను క్షుణ్ణంగా పరిశీలించి, వ్యాక్సిన్ల నాణ్యత పరిరక్షణకు సంబంధించిన మార్గదర్శకాలను సిబ్బందికి వివరించారు.అనంతరం కొబ్బరిపాడు, ఒడ్డుగూడెం, రాజుపేట కాలనీ గ్రామాలలో నిర్వహిస్తున్న రోగనిరోధక టీకాల సెషన్లను సందర్శించి, టీకాల నిర్వహణ విధానం, లబ్ధిదారుల నమోదు, యూ-విన్ పోర్టల్‌లో నమోదు, వ్యాక్సిన్ లాజిస్టిక్స్, రికార్డుల నిర్వహణ, లబ్ధిదారులకు అందుతున్న సేవలను పరిశీలించారు. టీకాలకు అర్హులైన ప్రతి చిన్నారికి, గర్భిణికి మరియు ఇతర లబ్ధిదారులకు సకాలంలో టీకాలు అందేలా చర్యలు తీసుకోవాలని సంబంధిత సిబ్బందిని ఆదేశించారు.తదనంతరం *పాల్వంచ ఐడీఓసీ (DMHO కార్యాలయం)*లో సూపర్‌వైజర్లు మరియు ఏఎన్‌ఎంలతో సమీక్ష సమావేశం నిర్వహించారు. ఈ సమావేశంలో డ్యూ లిస్ట్, సెషన్ ప్రణాళిక, యూ-విన్ డేటా నమోదు, కోల్డ్ చైన్ నిర్వహణ, టీకాల కవరేజ్ మెరుగుదల, రికార్డుల నిర్వహణ తదితర అంశాలపై సమగ్రంగా సమీక్షించి, ప్రభుత్వం నిర్దేశించిన లక్ష్యాలను పూర్తి స్థాయిలో సాధించాలని సూచించారు.
Admin
తెలుగు వెలుగు టీవీ
మరిన్ని వార్తలు
Developed By :
