బైక్ దొంగతనం కేసును ఛేదించిన టాస్క్ ఫోర్స్, లక్ష్మీదేవిపల్లి పోలీసులు. నిందితుడి అరెస్ట్, హోండా యూనికార్న్ మోటార్‌సైకిల్ స్వాధీనం.

Date : 12 October 2026 10:35 AM Views : 294

తెలుగు వెలుగు టీవీ - వార్తలు / కొత్తగూడెం : బైక్ దొంగతనం కేసును ఛేదించిన టాస్క్ ఫోర్స్, లక్ష్మీదేవిపల్లి పోలీసులు.నిందితుడి అరెస్ట్.. హోండా యూనికార్న్ మోటార్‌సైకిల్ స్వాధీనం.చెడు వ్యసనాలకు అలవాటుపడి, సులభంగా డబ్బు సంపాదించాలనే ఉద్దేశంతో మోటార్‌సైకిల్ దొంగతనానికి పాల్పడిన ఒక నిందితుడిని టాస్క్ ఫోర్స్ పోలీసులు, లక్ష్మీదేవిపల్లి పోలీసులు సంయుక్తంగా నిర్వహించిన ఆపరేషన్‌లో అరెస్ట్ చేసి, అతని వద్ద నుంచి దొంగిలించిన హోండా యూనికార్న్ మోటార్‌సైకిల్‌ను స్వాధీనం చేసుకున్నారు.లక్ష్మీదేవిపల్లి పోలీస్ స్టేషన్‌లో నమోదైన క్రైం నంబర్ 174/2026 కేసు దర్యాప్తులో భాగంగా పోలీసులు చేపట్టిన చర్యల్లో జయశంకర్ కాలనీకి చెందిన తాటి బుజ్జిబాబు (33) నిందితుడిగా గుర్తించి అరెస్ట్ చేశారు.పోలీసుల విచారణలో నిందితుడు తెలిపిన వివరాల ప్రకారం.. గతంలో కాపర్ దొంగతనం, బైక్ దొంగతనం కేసులతో పాటు హత్య కేసులోనూ అతనిపై కేసులు నమోదయ్యాయి. జైలు నుంచి విడుదలైన అనంతరం కూలి పనులు చేసుకుంటూ జీవనం సాగిస్తున్నప్పటికీ, వచ్చిన ఆదాయం కుటుంబ పోషణకు, తన వ్యసనాలకు సరిపోవడం లేదనే కారణంతో సులభంగా డబ్బు సంపాదించాలని దొంగతనానికి పథకం వేశాడు.ఈ క్రమంలో 03.08.2026న మధ్యాహ్నం నుంచి సాయంత్రం మధ్య లక్ష్మీదేవిపల్లిలోని బావర్చి సెంటర్ సమీపంలో ఉన్న బిల్లా పాన్ షాప్ వద్ద నంబర్ ప్లేట్ లేని హోండా యూనికార్న్ మోటార్‌సైకిల్‌ను గుర్తించాడు. బైక్ యజమానితో పరిచయం పెంచుకుని, అతనికి మద్యం తాగించి, మద్యం మత్తులో ఉన్న సమయంలో బైక్ తాళం తీసుకుని మోటార్‌సైకిల్‌తో అక్కడి నుంచి వెళ్లిపోయాడు.మోటార్‌సైకిల్‌ను విక్రయించి డబ్బు సంపాదించాలనే ఉద్దేశంతో 10.10.2026న బయటకు తీసుకువెళ్తుండగా పోలీసులు వాహన తనిఖీలు నిర్వహించడం గమనించి పారిపోయేందుకు ప్రయత్నించాడు. దీంతో అప్రమత్తమైన పోలీసులు అతడిని పట్టుకుని విచారించగా, మోటార్‌సైకిల్ దొంగతనానికి పాల్పడినట్లు అంగీకరించినట్లు పోలీసులు తెలిపారు.నిందితుడిని అరెస్ట్ చేసి, దొంగిలించిన హోండా యూనికార్న్ మోటార్‌సైకిల్‌ను లక్ష్మీదేవిపల్లి పోలీసులు స్వాధీనం చేసుకున్నారు.వాహనాలు, ఇతర ఆస్తుల దొంగతనాలకు సంబంధించిన అనుమానాస్పద ఘటనలు గమనించినా, తమ ఆస్తులు చోరీకి గురైనా వెంటనే సమీప పోలీస్ స్టేషన్‌లో ఫిర్యాదు చేయాలి. ప్రజలు అప్రమత్తంగా ఉంటూ పోలీసులకు సహకరించాలని ఎస్పీ కోరారు.ఈ కేసును ఛేదించడంలో సమన్వయంతో పనిచేసిన టాస్క్ ఫోర్స్, లక్ష్మీదేవిపల్లి పోలీసులను జిల్లా ఎస్పీ అభినందించారు.

లోకల్ యాడ్స్

మరిన్ని వార్తలు