నిబంధనల ఉల్లంఘనతో యు.హరీష్ తొలగింపు. ఏఐవైఎఫ్ జిల్లా ప్రధాన కార్యదర్శి ఎస్ కె ఫహీమ్.
తెలుగు వెలుగు టీవీ - వార్తలు / కొత్తగూడెం : నిబంధనల ఉల్లంఘనతో యు.హరీష్ తొలగింపు.సభ్యత్వం రద్దుతో పాటు జిల్లా బాధ్యతల నుండి తొలగింపు.యువజన, విద్యార్థి సమాఖ్యలకు అతనితో ఎలాంటి సంబంధం లేదు. త్వరలోనే నిర్మాణ మహాసభ నిర్వహించి నూతన అధ్యక్షుడి ఎన్నుకుంటాం.ఏఐవైఎఫ్ జిల్లా ప్రధాన కార్యదర్శి ఎస్ కె ఫహీమ్.అఖిల భారత యువజన సమాఖ్య నిబంధనలకు విరుద్ధంగా వ్యవహరించినందుకుగాను యు.హరీష్‌ను తాను నిర్వహిస్తున్న జిల్లా అధ్యక్ష పదవినుంచి తొలగించడంతోపాటు సమాఖ్య ప్రాధమిక సభ్యత్వాన్ని రద్దు చేసినట్లు ఏఐవైఎఫ్ జిల్లా ప్రధాన కార్యదర్శి ఎస్ కె ఫహీమ్ తెలిపారు. భద్రాద్రి కొత్తగూడెం జిల్లా అధ్యక్ష పదవి నుండి, అదేవిధంగా సమాఖ్య ప్రాథమిక సభ్యత్వం నుండి ఆయనను తొలగిస్తున్నట్లు ప్రకటించారు. సోమవారం కొత్తగూడెంలో జరిగిన ఏఐవైఎఫ్ అత్యవసర సమావేశంలో ఆయన పాల్గొని మాట్లాడారు. ఈ సందర్భంగా ఆయన మాట్లాడుతూ.. సమాఖ్య నిబంధనలకు విరుద్ధంగా, క్రమశిక్షణా రాహిత్యంతో వ్యవహరించినందు వల్లే ఈ నిర్ణయం తీసుకోవాల్సి వచ్చిందని స్పష్టం చేశారు. ఇకనుండి యువజన సమాఖ్యకు గానీ, విద్యార్థి సమైక్యకు గానీ సదరు వ్యక్తితో ఎలాంటి సంబంధం లేదని తేల్చిచెప్పారు. ఖాళీ అయిన జిల్లా అధ్యక్ష పదవి భర్తీకి త్వరలోనే నిర్మాణ మాసం నిర్వహించుకుని, నూతన అధ్యక్షుడిని ఎన్నుకోనున్నట్లు ఫహీమ్ వెల్లడించారు. సమావేశంలో ఏఐవైఎఫ్ జిల్లా సహాయ కార్యదర్శి ఖయ్యుమ్, నాయకులు భూపేష్, రణధీర్, రవి, అజయ్, శివ,నాగరాజు తదితరులు పాల్గొన్నారు
Admin
తెలుగు వెలుగు టీవీ
మరిన్ని వార్తలు
Developed By :
