యుద్ధ ప్రాతిపదికన మిషన్ భగీరథ పైప్లైన్ లీకేజీలను అరికట్టాలి : మునిగడప పద్మ
తెలుగు వెలుగు టీవీ - వార్తలు / కొత్తగూడెం : ఎల్ ని నో అవగాహనలో ప్రభుత్వం నుండి ప్రజల వరకు మారాలి.. పైప్లైన్ ఇన్ని లీకేజీలు ఉంటే ప్రజలకు మనం ఏమి అవగాహన కల్పిస్తాం : 16వ డివిజన్ కార్పొరేటర్ మునిగడప పద్మ యుద్ధ ప్రాతిపదికన మిషన్ భగీర పైప్ లైన్ లీకేజీ లను అరికట్టాలని 16 వ డివిజన్ కార్పొరేటర్ మునిగడప పద్మ అధికారులకు విజ్ఞప్తి చేశారు. ఆదివారం మిషన్ భగీరథ నీటి సరఫరా అవుతున్న సమయంలో రామవరం మెయిన్ బజార్, చాపల మార్కెట్ ఏరియా, నెహ్రూ బస్తి తదితర ప్రాంతాలను సందర్శించి ఆమె మాట్లాడుతూ ఒకవైపు ముంచుకొస్తున్న ఎల్ ని నో ప్రభావం ద్వారా నీటి వనరుల కొరత పై సాక్షాత్తు తెలంగాణ రాష్ట్ర ముఖ్యమంత్రివర్యులు రేవంత్ రెడ్డి, ప్రభుత్వం ప్రకటనలను ఇస్తున్నప్పటికీ మరొకవైపు ప్రభుత్వ అధికారులు, మిషన్ భగీరథ నిర్వాహకులు పైప్ లైన్ లీకేజీలను అరికట్టడంలో జాప్యం చేయటం తగదని అన్నారు. ఇలా అయితే మనం ప్రజలకు ఎల్ ని నో ప్రభావం ద్వారా నీటి కొరత ఏర్పడిందని,నీటి కొరతపై ప్రజలు అవగాహన పెంచుకొని నీటిని వృధా కాకుండా చూడాలని ఎలా వారికి చెప్తామని ఆమె అన్నారు. తక్షణమే మున్సిపల్, మిషన్ భగీరథ అధికారులు సమన్వయం చేసుకొని ఎక్కడెక్కడ లీకేజీల వల్ల మంచినీళ్లు వృధా అవుతున్నాయో ఆయా ప్రాంతాలలో తక్షణమే లీకేజీలను అరికట్టాలని మరొక్కసారి అధికారులకు విజ్ఞప్తి చేస్తున్నామని అన్నారు. ఈ కార్యక్రమంలో మాజీ మున్సిపల్ ఫ్లోర్ లీడర్ మునిగడప వెంకటేశ్వర్లు, కిన్నెరసాని లైన్ ఇన్స్పెక్టర్ నిఖిల్ పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
