అంగన్వాడీ సిబ్బందికి ₹18,000 వేతనం హామీ అమలు చేయాలి – ఏఐటీయూసీ రాష్ట్ర కార్యదర్శి నరాటి ప్రసాద్
తెలుగు వెలుగు టీవీ - వార్తలు / కొత్తగూడెం : అంగన్వాడీ టీచర్లు, హెల్పర్లకు ప్రభుత్వం ఎన్నికల సమయంలో ఇచ్చిన ₹18,000 వేతనం పెంపు హామీని వెంటనే అమలు చేయాలని ఏఐటీయూసీ రాష్ట్ర కార్యదర్శి నరాటి ప్రసాద్ డిమాండ్ చేశారు. పాల్వంచలోని సీఆర్ భవన్లో నిర్వహించిన అంగన్వాడీ టీచర్స్ అండ్ హెల్పర్స్ అసోసియేషన్ – ఏఐటీయూసీ జిల్లా కౌన్సిల్ సమావేశం జిల్లా అధ్యక్షురాలు గోనే మణి అధ్యక్షతన జరిగింది. ఈ సందర్భంగా నరాటి ప్రసాద్ మాట్లాడుతూ అంగన్వాడీ టీచర్లు, హెల్పర్లపై రోజురోజుకూ అదనపు పనిభారం పెరుగుతోందని ఆవేదన వ్యక్తం చేశారు. మరోవైపు వేతనాల పెంపు, ఇంటి అద్దె భత్యం, గ్యాస్ బిల్లుల చెల్లింపులు వంటి సమస్యలు ఇప్పటికీ పెండింగ్లో ఉన్నాయని పేర్కొన్నారు. బూత్ లెవల్ ఆఫీసర్ (BLO) విధులు సహా ఇతర అదనపు బాధ్యతల కారణంగా అంగన్వాడీ కేంద్రాల నిర్వహణకు తీవ్ర ఇబ్బందులు ఎదురవుతున్నాయని, అందువల్ల అంగన్వాడీ సిబ్బందికి అప్పగించిన BLO విధులను వెంటనే రద్దు చేయాలని ప్రభుత్వాన్ని కోరారు. అలాగే ప్రీ-ప్రైమరీ పాఠశాలల పేరుతో అంగన్వాడీ కేంద్రాల ప్రాధాన్యతను తగ్గించే విధానాలు అమలవుతున్నాయని, దీనివల్ల అంగన్వాడీ వ్యవస్థ బలహీనపడే ప్రమాదం ఉందని అన్నారు. అంగన్వాడీ టీచర్లలో 10 సంవత్సరాల సేవ పూర్తి చేసి డిగ్రీ, పీజీ అర్హతలు పొందిన వారికి ICDS శాఖలో గ్రేడ్–1 సూపర్వైజర్, CDPO, కార్యాలయ సిబ్బంది పోస్టులలో 30 శాతం రిజర్వేషన్ కల్పించి, ఆ పోస్టులను అంగన్వాడీ సిబ్బందితోనే భర్తీ చేయాలని ఆయన డిమాండ్ చేశారు. ప్రధాన డిమాండ్లు అంగన్వాడీ టీచర్లు, హెల్పర్లకు ప్రభుత్వం హామీ ఇచ్చిన ₹18,000 వేతనం వెంటనే అమలు చేయాలి. పెండింగ్లో ఉన్న ఇంటి అద్దె, గ్యాస్ బిల్లులు మరియు ఇతర బకాయిలను విడుదల చేయాలి. అంగన్వాడీ సిబ్బందికి విధించిన BLO డ్యూటీలను రద్దు చేయాలి. అంగన్వాడీ కేంద్రాల ప్రాధాన్యతను కాపాడే చర్యలు తీసుకోవాలి. 10 సంవత్సరాల సేవ పూర్తి చేసి ఉన్నత విద్యార్హతలు పొందిన అంగన్వాడీ సిబ్బందికి ICDS శాఖలో 30% పదోన్నతి రిజర్వేషన్ కల్పించాలి. ఈ సమావేశంలోజిల్లా అధ్యక్షులు గోనే మణి, జిల్లా ప్రధాన కార్యదర్శి రెడ్డి అరుణ. ఏఐటీయూసీ జిల్లా కార్యదర్శి వేల్పుల మల్లికార్జున్. అన్నారపు వెంకటేశ్వర్లు, విజయ. శ్రీ లత.సావిత్రి, సుభాషిణి, వినోద. భారతి, నీరజ, సరోజని, శ్రీదేవి, తదితరులు పాల్గొన్నారు. ఇట్లు AITUC అంగన్వాడీ టీచర్స్ & హెల్పర్స్ అసోసియేషన్ భద్రాద్రి కొత్తగూడెం జిల్లా కౌన్సిల్ నినాదం: “అంగన్వాడీ సిబ్బందికి గౌరవప్రదమైన వేతనం – పదోన్నతి అవకాశాలు కల్పించాలి!” “ప్రభుత్వ హామీలు వెంటనే అమలు చేయాలి!”
Admin
తెలుగు వెలుగు టీవీ
మరిన్ని వార్తలు
Developed By :
