భద్రాద్రి జిల్లాలో రెడ్ అలర్ట్ 24 గంటల కంట్రోల్ రూమ్ ఏర్పాటు. జిల్లా కలెక్టర్ అంకిత్.
తెలుగు వెలుగు టీవీ - వార్తలు / కొత్తగూడెం : మురసు తుఫాను ప్రభావంతో భద్రాద్రి కొత్తగూడెం జిల్లాకు భారత వాతావరణ శాఖ రెడ్ అలర్ట్ జారీ చేసిన నేపథ్యంలో అధికారులందరూ పూర్తి అప్రమత్తంగా ఉండాలని జిల్లా కలెక్టర్ అంకిత్ ఆదేశించారు. మంగళవారం అధికారులతో నిర్వహించిన టెలికాన్ఫరెన్స్‌లో ఆయన మాట్లాడుతూ, లోతట్టు ప్రాంతాల ప్రజలను టాంటాం ద్వారా అప్రమత్తం చేయాలన్నారు. శిథిలావస్థలో ఉన్న ఇళ్లలోని వారిని సురక్షిత ప్రాంతాలకు తరలించాలని, జిల్లాలోని 94 ప్రమాదకర రహదారుల వద్ద బారికేడ్లు ఏర్పాటు చేసి వాగులు దాటకుండా రాకపోకలను నియంత్రించాలని స్పష్టం చేశారు. అధికారులు ఎవరూ కేంద్ర స్థానాలను వదిలి వెళ్లకూడదని ఆదేశించారు.అత్యవసర సహాయం కోసం:ప్రజల సహాయార్థం కొత్తగూడెం ఐడీఓసీ కార్యాలయంలో 24 గంటల కంట్రోల్ రూమ్ ఏర్పాటు చేశారు. అత్యవసర పరిస్థితుల్లో ప్రజలు 08744-241950, 9392919743 నంబర్లను సంప్రదించవచ్చని కలెక్టర్ తెలిపారు.
Admin
తెలుగు వెలుగు టీవీ
మరిన్ని వార్తలు
Developed By :
