యువజన అభివృద్ధి – క్రీడా ప్రోత్సాహానికి 99 రోజుల కార్యాచరణ ప్రణాళిక పోస్టర్ ఆవిష్కరించిన జిల్లా కలెక్టర్ అంకిత్.

Date : 25 April 2026 08:55 PM Views : 244

తెలుగు వెలుగు టీవీ - వార్తలు / కొత్తగూడెం : యువత సమగ్ర అభివృద్ధి, క్రీడా రంగ ప్రోత్సాహం లక్ష్యంగా యువజన సర్వీసులు & క్రీడల శాఖ రూపొందించిన “99 రోజుల కార్యాచరణ ప్రణాళిక” పోస్టర్‌ను జిల్లా కలెక్టర్ అంకిత్ శనివారం కలెక్టర్ ఛాంబర్‌లో ఆవిష్కరించారు. ఈ కార్యక్రమంలో అదనపు కలెక్టర్ వేణుగోపాల్, సిపిఓ సంజీవరావు, జిల్లా క్రీడా శాఖ అధికారి పరంధామ రెడ్డి పాల్గొన్నారు.ఈ సందర్భంగా కలెక్టర్ మాట్లాడుతూ యువతలో నైపుణ్యాలు, ఆరోగ్య సదృఢత, నాయకత్వ లక్షణాల పెంపుదల దిశగా ప్రభుత్వం పలు కార్యక్రమాలను అమలు చేస్తోందన్నారు. ఈ 99 రోజుల కార్యాచరణ ప్రణాళికలో భాగంగా మారథాన్, ఫిజికల్ లిటరసీ కార్యక్రమాలు, యువజన నాయకత్వ సదస్సు, స్పోర్ట్స్ డే వంటి కార్యక్రమాలు నిర్వహించనున్నట్లు తెలిపారు.యువతకు ఉపాధి అవకాశాలు కల్పించేందుకు మే 5 నుండి మే 12 వరకు జిల్లాల్లో జాబ్ మేళాలు నిర్వహించనున్నట్లు తెలిపారు. ఈ జాబ్ మేళాల ద్వారా వివిధ రంగాల్లో ఉపాధి అవకాశాలు లభిస్తాయని, నిరుద్యోగ యువత తప్పనిసరిగా పాల్గొని ప్రయోజనం పొందాలని సూచించారు.పోస్టర్‌లో పొందుపరిచిన QR కోడ్‌లను స్కాన్ చేసి మొబైల్ యాప్ లేదా వెబ్ పోర్టల్ ద్వారా నమోదు చేసుకోవచ్చని తెలిపారు. యువత ఈ అవకాశాలను సద్వినియోగం చేసుకుని తమ భవిష్యత్తును మెరుగుపరచుకోవాలని పిలుపునిచ్చారు.

లోకల్ యాడ్స్

మరిన్ని వార్తలు