నామినేషన్ కేంద్రాలను పరిశీలించిన సాధారణ ఎన్నికల పరిశీలకుడు సర్వేశ్వర్ రెడ్డి
తెలుగు వెలుగు టీవీ - వార్తలు / కొత్తగూడెం : రానున్న గ్రామపంచాయతీ ఎన్నికల ఏర్పాట్లను సమీక్షించేందుకు రాష్ట్ర ప్రభుత్వం నియమించిన సాధారణ ఎన్నికల పరిశీలకుడు, గిరిజన సంక్షేమ శాఖ అడిషనల్ డైరెక్టర్ వి. సర్వేశ్వర్ రెడ్డి సోమవారం పాల్వంచ మండల పరిధిలోని జీపీ ఉల్వనూర్, జీపీ బంజరా, జీపీ సత్యనారాయణ పురం మరియు జీపీ కోడిపుంజులవగు గ్రామపంచాయతీలను సందర్శించారు. సందర్శన సందర్భంగా నామినేషన్ స్వీకరణ కేంద్రాల్లో చేపట్టిన ఏర్పాట్లను ఆయన పరిశీలించి, నామినేషన్ ప్రక్రియ ఎటువంటి అంతరాయం లేకుండా పారదర్శకంగా, సజావుగా సాగేందుకు అధికారులు అన్ని విధాలా చురుకుగా వ్యవహరించాలని సూచించారు. ప్రజలకు సులభతరం కావడానికి హెల్ప్ డెస్క్‌లు ఏర్పాటు చేసి, అవసరమైన మార్గదర్శకాలు సమయానుకూలంగా అందించాలని, నామినేషన్ సమర్పణ సమయంలో అధికారులు మరియు సిబ్బంది నిరంతరం అందుబాటులో ఉండాలని ఆదేశించారు. అలాగే ఎన్నికల ప్రక్రియలో ఎటువంటి అవాంఛనీయ పరిస్థితులు, చట్టవ్యవస్థకు భంగం కలిగే సంఘటనలు చోటుచేసుకోకుండా ముందస్తు చర్యలు తీసుకుని, ప్రతి గ్రామపంచాయతీ పరిధిలో శాంతియుత, నియంత్రిత వాతావరణం నెలకొనేలా చూడాలని సూచించారు. ఈ పరిశీలన కార్యక్రమంలో పాల్వంచ ఎంపీడీవో, ATDO చంద్ర మోహన్ దమ్మపేట, ఇతర విభాగాధికారులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
