రక్తదానం ప్రాణదాతగా నిలుస్తుంది : ఏఐవైఎఫ్ జిల్లా ప్రధాన కార్యదర్శి ఎస్ కె ఫహీమ్
తెలుగు వెలుగు టీవీ - వార్తలు / కొత్తగూడెం : సేవాభావంతో యువత ముందుకు సాగాలి గాంధీజీ ఆశయాల సాధనకు కృషి చేయాలి సామాజిక బాధ్యతగా రక్తదాన శిబిరం నిర్వహించాం రక్తదానం చేయడం ద్వారా ఆపదలో ఉన్న ఎందరో ప్రాణాలను కాపాడవచ్చని ఏఐవైఎఫ్ జిల్లా ప్రధాన కార్యదర్శి ఎస్ కె ఫహీమ్ అన్నారు. జాతిపిత మహాత్మా గాంధీ జయంతి, సిపిఐ జిల్లా కార్యదర్శి ఎస్ కె సాబీర్ పాషా జన్మదినోత్సవాన్ని పురస్కరించుకుని అఖిల భారత యువజన సమాఖ్య (ఏఐవైఎఫ్) ఆధ్వర్యంలో శుక్రవారం కొత్తగూడెం ప్రభుత్వ ఏరియా ఆస్పత్రిలో రక్తదాన శిబిరం నిర్వహించారు. ఈ సందర్భంగా సమాఖ్య నాయకులు, కార్యకర్తలు స్వచ్ఛందంగా పాల్గొని రక్తదానం చేశారు. అనంతరం ఆయన మాట్లాడుతూ.. యువత నిత్యం సేవా దృక్పథంతో, సామాజిక బాధ్యతతో ముందుకు సాగాలని పిలుపునిచ్చారు. గాంధీజీ బోధించిన సేవ, త్యాగనిరతిని ప్రతిఒక్కరూ అలవర్చుకోవాలని ఆకాంక్షించారు. ప్రజా సమస్యల పరిష్కారం కోసం పోరాటాలు చేయడమే కాకుండా, ఇలాంటి సేవా కార్యక్రమాల్లో చురుగ్గా పాల్గొనడం అభినందనీయమన్నారు. ఆస్పత్రుల్లో నిరుపేద రోగులకు అత్యవసర సమయాల్లో రక్తం అందక ప్రాణాలు కోల్పోకుండా చూసేందుకు ఈ రక్తదాన శిబిరం ఎంతో దోహదపడుతుందని పేర్కొన్నారు. రాబోయే రోజుల్లోనూ యువతను ఐక్యం చేస్తూ ప్రజా సమస్యలపై పోరాటాలతో పాటు విస్తృతంగా సమాజసేవ కార్యక్రమాలను నిర్వహిస్తామని ఆయన స్పష్టం చేశారు. ఖయ్యుమ్, ఎండి జావీద్, కొయ్యడ రవి, శ్రీకాంత్, విజయ్ కాంత్, రౌతు సురేష్, మోతె కృష్ణ, బాబా,దాసరి శివ తదితరులు రక్తదానం చేసిన వారిలో ఉన్నారు.
Admin
తెలుగు వెలుగు టీవీ
మరిన్ని వార్తలు
Developed By :
