కోతుల సమస్యను పరిష్కరించడమే కార్పొరేషన్ ధ్యేయం.మేయర్ మూడ్ గణేష్.
తెలుగు వెలుగు టీవీ - వార్తలు / కొత్తగూడెం : కొత్తగూడెం కార్పొరేషన్ వ్యాప్తంగా ప్రజలు ఎదుర్కొంటున్న కోతుల సమస్యలు పరిష్కరించడమే ధ్యేయంగా మున్సిపల్ కార్పొరేషన్ పనిచేస్తుందని కొత్తగూడెం కార్పొరేషన్ మేయర్ మూడ్ గణేష్ తెలిపారు. శనివారం కార్పొరేషన్ వ్యాప్తంగా 60 డివిజన్లో కోతుల సమస్య ఉన్న ప్రాంతాలలో కోతులు పట్టించేందుకు కోతులు పట్టే వారిని పిలిపించడం జరిగిందని తెలిపారు. దాన్లో భాగంగా ఈరోజు రామవరం 16వ డివిజన్లోని అంబేద్కర్ చమల్లో కోతుల బోనులను ఏర్పాటు చేయడం జరిగిందని ఆయన అన్నారు. దానిలో భాగంగా కోతులు పడే విధానాన్ని ఆయన పరిశీలించారు. ఈ సందర్భంగా ఆయన మాట్లాడుతూ స్థానిక శాసనసభ్యులు కూనం నేని సాంబశివరావు ఆదేశాల మేరకు కొత్తగూడెం కార్పొరేషన్ వ్యాప్తంగా కోతుల సమస్యతో ప్రజలు అనేక ఇబ్బందులు పడుతున్నారని చాలామంది వ్యక్తులపై కోతులు దాడి చేయడం జరిగిందని, కార్పొరేటర్ల విజ్ఞప్తి, ప్రజల విజ్ఞప్తి మేరకు సమస్య పరిష్కారమే ధ్యేయంగా కార్పొరేషన్ పనిచేస్తుందని ఈ సందర్భంగా ఆయన అన్నారు. ఈ కార్యక్రమంలో 16వ డివిజన్ కార్పొరేటర్ మునిగడప పద్మ, మాజీ మున్సిపల్ ఫ్లోర్ లీడర్ మునిగడప వెంకటేశ్వర్లు, బ్రాంచ్ కార్యదర్శి మర్రి గోపికృష్ణ, సానిటరీ ఇన్స్పెక్టర్ బాలకృష్ణ, చారి, జవాన్,లక్ష్మణ్, ప్రభుదాస్ తదితరులు పాల్గొన్నారు
Admin
తెలుగు వెలుగు టీవీ
మరిన్ని వార్తలు
Developed By :
