భగత్ సింగ్ జయంతి వేళ 1579వ మొక్క నాటి నివాళులర్పించిన విశ్వామిత్ర చౌహాన్.
తెలుగు వెలుగు టీవీ - వార్తలు / కొత్తగూడెం : దేశం కోసం ప్రాణాలర్పించిన అమరవీరుడు భగత్ సింగ్ జయంతిని పురస్కరించుకొని పర్యావరణ పరిరక్షణే తన బాధ్యతగా భావిస్తూ వాక్ ఫర్ ట్రీస్ కాన్సెప్ట్ తో ప్రతిరోజూ మొక్కలు నాటుతున్న విశ్వామిత్ర చౌహాన్ జిల్లా పంచాయతీ అధికారి అనూషతో కలిసి ఈ కార్యక్రమాన్ని నిర్వహించి తన 1579వ మొక్క పనస మొక్కను ఐ డి ఓ సి కార్యాలయపు ఆవరణలో నాటి ఘన నివాళులర్పించారు.ఈ సందర్భంగా జిల్లా పంచాయతీ అధికారి అనూష మాట్లాడుతూ "23 ఏళ్ల చిన్న వయసులోనే దేశం కోసం ఉరికంబాన్ని ముద్దాడిన భగత్ సింగ్ త్యాగం వెలకట్టలేనిది. 'ఇంక్విలాబ్ జిందాబాద్' అనే ఒక్క నినాదంతో యావత్ దేశ యువతలో స్వాతంత్ర్య కాంక్షను రగిలించిన గొప్ప సమరయోధుడు ఆయన. నేటి యువత భగత్ సింగ్ ను ఆదర్శంగా తీసుకొని ఆయన ఆశయ సాధన దిశగా నడవాలి. చిన్న వయసులోనే పర్యావరణంపై ఇంతటి స్పృహతో విశ్వామిత్ర చేస్తున్న కృషి అభినందనీయం" అని కొనియాడారు. భగత్ సింగ్ జయంతి రోజున తనతోపాటు కలిసి మొక్క నాటి దేశభక్తితో పాటు పర్యావరణహితాన్ని చాటిన విశ్వామిత్ర చౌహాన్ ను జిల్లా పంచాయతీ అధికారి అభినందించారు.
Admin
తెలుగు వెలుగు టీవీ
మరిన్ని వార్తలు
Developed By :
