హక్కుల పరిరక్షణకు పోరాటంలోకి రావాలి. యు.ఎస్.పి.సి ఉద్యోగ సంఘం ఆధ్వర్యంలో తాసిల్దార్ కు వినతిపత్రం
తెలుగు వెలుగు టీవీ - వార్తలు / జూలూరుపాడు : భద్రాద్రి కొత్తగూడెం జులై 25 తెలుగు వెలుగు )ప్రతి ఆరు నెలలకు ఒక మారు డిఏ మంజూరు, ప్రతి ఐదు సంవత్సరాలకు ఒకసారి నూతన వేతన స్కేల్స్ అమలు, ఉద్యోగ విరమణ అయిన ఉద్యోగికి పాత పెన్షన్ అమలు, వెంట వెంటనే ఆర్థిక లాభముల చెల్లింపులు లాంటి హక్కులను ప్రభుత్వాలు కాలరాస్తున్నాయని, ఇట్టి హక్కులను పరిరక్షించుకోవడానికి మిగతా ఉపాధ్యాయ, ఉద్యోగ సంఘాలు యూఎస్పిసి నిర్వహించే పోరాటాలలో కలిసి రావాలని uspc జూలూరుపాడు నాయకులు కోరారు. యూఎస్పిసి రాష్ట్రవ్యాప్తంగా నిర్వహించే మూడు దశల పోరాట కార్యక్రమాలలో భాగంగా తాహసిల్దార్ జూలూరుపాడు టీ శ్రీనివాస్ కీ సమస్యలతో కూడిన వినతి పత్రం సమర్పించిన అనంతరం హాజరైన ఉపాధ్యాయులను ఉద్దేశించి మాట్లాడుతూ... పోరాటాలు లేకుండా ఏ సమస్య పరిష్కారం కాదని, రాయితీలు సౌకర్యాలు ఏ ప్రభుత్వం ఆయాచితంగా ఇవ్వలేదనే వాస్తవాన్ని గుర్తించాలని అన్నారు. గత ప్రభుత్వం దశాబ్ద కాలం పాటు విద్యారంగాన్ని నిర్లక్ష్యం చేసిందని, ప్రస్తుత ప్రజా ప్రభుత్వంగా చెప్పుకుంటున్న పాలకులు కూడా విద్యారంగ, ఉపాధ్యాయుల సమస్యల పరిష్కారంలో చొరవ చూపడం లేదని అన్నారు. ప్రభుత్వ, గిరిజన సంక్షేమ, గురుకుల, మోడల్, సమగ్ర శిక్ష, ఎయిడెడ్ మేనేజ్మెంట్లలోని విద్యారంగ సమస్యలను అందులో పని చేస్తున్న ఉపాధ్యాయుల, సిఆర్టి (CRT)ల, సిఆర్పి (CRP)ల సమస్యలన్నింటిని పరిష్కరించాలని డిమాండ్ చేశారు. అన్ని రకాల పెండింగ్ బిల్లులను ప్రత్యేకించి రిటైర్డ్ అయిన చనిపోయిన ఉపాధ్యాయుల పెన్షనరీ బెనిఫిట్స్ అన్ని విడుదల చేయాలని డిమాండ్ చేశారు. ఈ కార్యక్రమంలో జూలూరుపాడు uspc నాయకులు వీరాస్వామి, మహేష్,వెంకటేశ్వర్లు, నరసింహారావు, సరిత, నాగజ్యోతి, తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
