తెలంగాణ పోరాట స్ఫూర్తి చాకలి ఐలమ్మ. జేబీపీ స్టేట్ వర్కింగ్ ప్రెసిడెంట్ యెర్రా కామేష్.
తెలుగు వెలుగు టీవీ - వార్తలు / కొత్తగూడెం : తెలంగాణ పోరాట స్ఫూర్తి చాకలి ఐలమ్మ.ఘనంగా దీరవనిత చాకలి ఐలమ్మ వర్ధంతి వేడుకలు.జేబీపీ స్టేట్ వర్కింగ్ ప్రెసిడెంట్ యెర్రా కామేష్.తెలంగాణ దీరవనిత,తెలంగాణ పోరాటానికి స్పూర్తి ప్రదాత చాకలి ఐలమ్మ అని జైభీమ్ రావ్ భారత్ పార్టీ (జేబీపీ) స్టేట్ వర్కింగ్ ప్రెసిడెంట్ యెర్రా కామేష్ అన్నారు.గురువారం జిల్లా కేంద్రమైన కొత్తగూడెం పట్టణంలోని రైల్వే స్టేషన్ వద్ద రజక సంఘాల ఆధ్వర్యంలో ఏర్పాటు చేసిన వర్ధంతి వేడుకల కార్యక్రమంలో పాల్గొన్న కామేష్ చాకలి ఐలమ్మ చిత్రపటానికి నివాళులర్పించిన అనంతరం ఆయన మాట్లాడుతూ భూమి కోసం,భుక్తి కోసం,విముక్తి కోసం నైజాం నిరంకుశ పాలనకు భూస్వామ్య దొరల అణచివేతకు వ్యతిరేకంగా పోరాడిన మహా యోధురాలు అని,వరంగల్ పాలకుర్తి ప్రాంతంలో రజక కుటుంబంలో 26 సెప్టెంబర్ 1895న జన్మించిన చిట్యాల ఐలమ్మ కష్టపడి పండించిన పంటను తీసుకురమ్మని పంపిన దొర మనుషులతో ఈ పంట నాది,తీసుకుపోవడానికి దొర ఎవ్వడు నా ప్రాణం పోయాకే పంట కానీ భూమి కానీ మీరు దక్కించుకోగలరు అని దొరల గుండెల్లో బడభాగ్నిలా రగిలిన తెలంగాణ రైతాంగ విప్లవాగ్ని ధీర వనిత చాకలి ఐలమ్మ అన్నారు.ప్రజా పోరాటాలకు స్ఫూర్తిగా నిలిచిన ఐలమ్మ 10 సెప్టెంబర్ 1985 న అనారోగ్యంతో మరణించారని ఆమె పోరాట స్ఫూర్తిని బహుజన వర్గాలు ఆకలింపు చేసుకోవాలని,మన హక్కులకు విఘాతం కలిగినప్పుడు,అన్యాయం జరిగినప్పుడు పాలకులను ప్రశ్నించడం ఆమె పోరాట స్ఫూర్తి ద్వారా నేర్చుకోవాలని అన్నారు.ప్రజలు బహుజన వర్గాల పోరాటయోధుల చరిత్ర నుంచి స్ఫూర్తిని పొంది రాజ్యాధికారాన్ని చేజిక్కించుకోవాలని ఆకాంక్షించారు.
Admin
తెలుగు వెలుగు టీవీ
మరిన్ని వార్తలు
Developed By :
