ములకలపల్లిలో రేపు మంత్రి తుమ్మల పర్యటన
తెలుగు వెలుగు టీవీ - వార్తలు / కొత్తగూడెం : ములకలపల్లిలో రేపు (21-09-2026) మంత్రి తుమ్మల పర్యటన. రూ.463 లక్షలతో నిర్మించిన హై లెవెల్ వంతెన ప్రారంభం.సీతారామ ప్రాజెక్టు పనుల పరిశీలించిన మంత్రి.మండలంలో రాష్ట్ర వ్యవసాయ శాఖ మాత్యులు తుమ్మల నాగేశ్వరరావు సోమవారం పర్యటించనున్నారు. అశ్వారావుపేట ఎమ్మెల్యే ఆదినారాయణతో కలిసి పలు అభివృద్ధి కార్యక్రమాల్లో పాల్గొననున్నారు. తొలుత చాపరాలపల్లి వద్ద పాములేరుపై రూ.463 లక్షలతో నిర్మించిన హై లెవెల్ వంతెనను ప్రారంభించనున్నారు. వంతెన అందుబాటులోకి రావడంతో పరిసర గ్రామాల ప్రజలకు రాకపోకల సౌకర్యం మెరుగుపడనుంది. వర్షాకాలంలో పాములేరు వరద ప్రవాహం కారణంగా రాకపోకలకు ఎదురయ్యే ఇబ్బందులు తగ్గనున్నాయి.అనంతరం మంత్రి తుమ్మల నాగేశ్వరరావు ,ఎమ్మెల్యే ఆదినారాయణతో కలిసి సీతారామ ప్రాజెక్టు పనులను పరిశీలించనున్నారు. ప్రాజెక్టు పనుల పురోగతి, నిర్మాణ దశలు, ఇతర అంశాలపై అధికారులతో వివరాలు తెలుసుకోనున్నారు. మంత్రి పర్యటన నేపథ్యంలో అధికారులు ఏర్పాట్లు చేస్తున్నారు. స్థానిక ప్రజాప్రతినిధులు, నాయకులు, అధికారులు కార్యక్రమాల్లో పాల్గొననున్నారు.
Admin
తెలుగు వెలుగు టీవీ
మరిన్ని వార్తలు
Developed By :
