తాతా మధును ఎమ్మెల్సీ పదవి నుంచి భర్తరఫ్ చేయాలి
తెలుగు వెలుగు టీవీ - వార్తలు / కొత్తగూడెం : ముఖ్యమంత్రి పదవిలో ఉన్నన్ని రోజులు అంబేద్కర్ జయంతులకు,వర్ధంతులకు నివాళులర్పించని దుర్మార్గుడు కేసీఆర్ : జేబీపీ స్టేట్ వర్కింగ్ ప్రెసిడెంట్ యెర్రా కామేష్ కొత్తగూడెం అసెంబ్లీ స్పీకర్ పై అనుచిత వ్యాఖ్యలు చేసిన బీఆర్ఎస్ శాసనమండలి సభ్యులు తాతా మధు, నవీన్ కుమార్ రెడ్డి లను వెంటనే పదవి నుంచి భర్తరఫ్ చేయాలని జైభీమ్ రావ్ భారత్ పార్టీ (జేబీపీ) స్టేట్ వర్కింగ్ ప్రెసిడెంట్ యెర్రా కామేష్ డిమాండ్ చేశారు. బుధవారం పార్టీ శ్రేణులతో కలిసి పోస్ట్ ఆఫీస్ అంబేద్కర్ విగ్రహం ఎదుట ప్లకార్డులతో నిరసన తెలిపారు. ఈ సంధర్భంగా కామేష్ మాట్లాడుతూ అసెంబ్లీ స్పీకర్ పై శాసన మండలి సభ్యులు మాట్లాడిన దానికి కెసిఆర్ క్షమాపణలు చెప్పాలన్నారు. బీఆర్ఎస్ పార్టీ దళిత వ్యతిరేక పార్టీ అని, కేసీఆర్ ముఖ్యమంత్రిగా ఉన్న తొమ్మిదిన్నర ఏళ్లలో ఎన్నడూ అంబేద్కర్ జయంతులకు, వర్ధంతులకు నివాళులర్పించని దుర్మార్గుడు కేసీఆర్ అని విమర్శించారు. తాతా మధు వొళ్ళు మదమెక్కి స్పీకర్ పై మాట్లాడారని అదే స్థానంలో దళిత వర్గానికి చెందిన స్పీకర్ కాకుండా అగ్రవర్ణానికి చెందిన వ్యక్తి స్పీకర్ గా ఉండి ఉంటే ఇలానే మాట్లాడేవారా అని ప్రశ్నించారు.బీఆర్ఎస్ పార్టీ,జరిగిన ఘటనకు పశ్చాత్తాపం తెలపకుండా నిన్నటి రోజున దళితులు ఎర్రవల్లి ఫాం హౌజ్ వద్దకు వెళ్తే పసుపు నీళ్లతో శుద్ధి చేయడం, ఫాం హౌజ్ వద్ద దళితుల మీద దాడులు చేయడం అంటేనే దళితుల పట్ల వారి వైఖరి ఏంటో అర్థం అవుతుందని ఎద్దేవా చేశారు.దళితుడు స్పీకర్ గా ఉన్నందునే ఎక్కడ అధ్యక్క్షా అని మైక్ అడగాల్సి వస్తుందో అని ప్రజా సొమ్మును జీతంగా తీసుకుంటూ అసెంబ్లీకీ రాని ప్రతిపక్ష నేత పదవికి రాజీనామా చేయాలని డిమాండ్ చేశారు.కాంగ్రెస్ ప్రభుత్వం కఠినంగా వ్యవహరించి స్పీకర్ పై అనుచిత వ్యాఖ్యలు చేసిన శాసన మండలి సభ్యులను వెంటనే భర్తరఫ్ చేయాలని లేనియెడల పెద్ద ఎత్తున ఆందోళన కార్యక్రమాలు చేపడతామని హెచ్చరించారు. ఈ కార్యక్రమంలో మాలోత్ వీరు నాయక్,శంకర్,బాబా,రాంబాబు,కమలి,శారద తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
