జాతీయ సాఫ్ట్‌బాల్‌ పోటీలకు పోతిరెడ్డి వర్షిత ఎంపిక
తెలుగు వెలుగు టీవీ - వార్తలు / కొత్తగూడెం : భద్రాద్రి కొత్తగూడెం జిల్లా రుద్రంపూర్ జడ్.పి.హెచ్.ఎస్ పాఠశాలలో 10 వ తరగతి చదువుతున్న పోతిరెడ్డి వర్షిత 39వ సబ్ జూనియర్ జాతీయ సాఫ్ట్‌బాల్‌ ఛాంపియన్షిప్–2026-27కు ఎంపికయ్యారు. సెప్టెంబర్ 27 నుంచి 30 వరకు మహారాష్ట్రలోని ఛత్రపతి సంభాజీనగర్‌లో డా. బాబాసాహెబ్ అంబేద్కర్ మరాఠ్వాడా యూనివర్సిటీ స్పోర్ట్స్ క్యాంపస్‌లో ఈ పోటీలు జరగనున్నాయి.జాతీయ స్థాయి పోటీలకు వర్షిత ఎంపిక కావడం పట్ల జడ్పీహెచ్‌ఎస్‌ పాఠశాల ప్రధానోపాధ్యాయులు బాలాజీ, పీఈటీ కవిత, సాఫ్ట్‌బాల్‌ అసోసియేషన్ జిల్లా కార్యదర్శి నవీన్, కోచ్ పొన్నాల పృథ్వీరాజ్‌తో పాటు పాఠశాల విద్యార్థులు హర్షం వ్యక్తం చేస్తూ ఆమెకు అభినందనలు తెలిపారు.ఆర్థిక సహాయం అందించాలని కుటుంబ సభ్యుల విజ్ఞప్తి.వర్షిత కుటుంబం ఆర్థికంగా వెనుకబడి ఉండటంతో జాతీయ స్థాయి పోటీల కోసం ఇతర రాష్ట్రాలకు వెళ్లేందుకు ప్రయాణం, ఇతర ఖర్చులు భరించడం ఇబ్బందిగా మారిందని కుటుంబ సభ్యులు తెలిపారు. వర్షిత క్రీడా ప్రతిభను ప్రోత్సహించేందుకు దాతలు ముందుకు వచ్చి ఆర్థిక సహాయం అందించాలని విజ్ఞప్తి చేశారు.
Admin
తెలుగు వెలుగు టీవీ
మరిన్ని వార్తలు
Developed By :
